НПК «Педагогическая деятельность как творческий процесс»

Олунньу 19 күнүгэр Сиэйэ орто оскуолатыгар РСФСР уонна САССР үтүөлээх учуутала, Үлэ Кыһыл Знамятын орденын кавалера Анисимов Михаил Николаевич төрөөбүтэ 125 сылыгар аналлаах «Педагогическая деятельность как творческий процесс» диэн тиэмэнэн регион таһымнаах научнай-практическай конференция ыытылынна.

Үөрэнээччилэр уонна педагогтар өйдөрүн хаҥаталларыгар уонна айар үлэлэрин өйүүр соруктаах НПК түөрт араас секциянан арахсан үлэлээтэ. Маны тэҥэ идэтийбит уһуйааччылар үөрүйэхтэрин үллэстэллэригэр маастар-кылаастар ыытылыннылар. Уопсайа 58 кыттааччы кэлбит, олортон 14 –  оскуола оҕото. Араас тиэмэҕэ 49 уһулуччу суолталаах дакылаат иһиттибит. Маны сыаналыырга үөрэҕирии эйгэтиттэн 17 киһилээх сыанабыл оцорор хамыыһыйа туруоруллан үлэлээтэ.

Научнай-практическай конференцияҕа Сунтаар оройуонун оскуолаларыттан ураты, Ньурба улууһун Антоновкатыттан, 1-кы Хаҥалаһыттан уонна Күндээдэдэтиттэн бэрт үчүгэй бэлэмнээх үөрэнээччилэр уонна учууталлар кэлбиттэрэ кэрэхсэбиллээх. «Великая сила учителя. Слово об учителе, чье имя гордо носит наша школа» диэн бастакы секцияҕа 1 миэстэ –  Максимова Николина, Сиэйэ орто оскуола-интэринээтин 8 кылааһын үөрэнээччитэ, 2 миэстэ – Меркурьева Влада, Сиэйэ орто оскуола-интэринээтин 6 кылааһын үөрэнээччитэ, 3 миэстэҕэ Леонтьев Евгений, Сунтаар 2-с нүөмэрдээх орто оскуолата уонна Анисимова Зина, Ньурба улууһун 1-кы Хаҥалас орто оскуолата. «Инновационные процессы в учебной деятельности – основа формирования качества эффективности образования» секцияҕа аһаҕас уруокка 1 миэстэ – Степанова Люция Ивановна, Сиэйэ орто оскуола-интэринээтин алын сүһүөх учуутала, 2 миэстэ – Петрова Татьяна Даниловна, Түбэй Дьаархан орто оскуолатын историяҕа учуутала, 3 миэстэ – Кожина Жанна  Валериевна, Түбэй Дьаархан орто оскуолатын английскай тылын учуутала. Оттон маастар-кылааска 1 миэстэ – Филиппова Юлия Сергеевна, Сунтаардааҕы ДШИ вокально-хоровой кылаас үөрэтээччитэ. 2 миэстэ – Хоро орто оскуолатыттан Иннокентьева Марина Семеновна, Иванов Афанасий Владимирович, Игнатьева Светлана Прокопьевна уонна Степанова Ньургустана Валериевна, 3 миэстэ – Андреева Саргылана Ивановна уонна Вдовина Наталия Захаровна, Сунтаар 2-с нүөмэрдээх орто оскуолатын алын сүһүөх учууталлара. Дакылаакка 1 миэстэ – Прокопьева Диана Майановна, Сунтаар 1-кы нүөмэрдээх орто оскуолатын биологияҕа учуутала. «Влияние семейных традиций на формирование конкурентоспособных умений детей» секцияҕа 1 миэстэ – Татаканов Владимир Андреевич уонна Иванова Антонина Николаевна, Сиэйэ орто оскулатын учууталлара, 2 миэстэ – Евсеев Аркадий Петрович, Күүкэй орто оскуолатын технологияҕа уонна ОБЖ учуутала, 3 миэстэ – Архангельская Августина Васильевна уонна Иванова Анжелика Степановна, Түбэй орто оскуолатын учууталлара. «Система воспитательной работы по формированию гражданско-патриотических качеств детей на примере школ» секцияҕа 1 миэстэ – Тихонова Надежда Владимировна, Сунтаардааҕы 1-кы нүөмэрдээх орто оскуолаҕа дириэктэри иитэр үлэҕэ солбуйааччы, 2 миэстэ – Харитонова Санта Геннадьевна, Элгээйи орто оскуолатын социальнай педагога, 3 миэстэ – Түбэй орто оскуолатыттан Винокурова Анастасия Прокопьевна.

Сиэйэ нэһилиэгэ уонна Михайлов Гаврил Николаевич дириэктирдээх оскуола кэллэктиибэ үрдүк таһымнаах тэрээһини ыыттылар диэн бэлиэтиэхпин баҕарабын. Михаил Николаевич Анисимов олорбут олоҕуттан быһа тардан бэрт сэргэх сыаҥка туруордулар, ол кэнниттэн үөрэнээччилэр уус-уран толорууга  ураты дьоҕурдарын көрдөрдүлэр: киһи сүргэтин көтөҕөр ырыа ыллаан дьиэрэттилэр. Сынньалаҥ бириэмэтигэр кэлбит ыалдьыттарга мусуойга уонна былыргы үөрэх кыһатын дьиэтигэр умсугутар кэпсээннээх экскурсия оҥорон ыыттылар.

Кыттааччылар дуоһуйан, ылбыт үөрүйэхтэрин салгыы үлэлэригэр туһанарга эрэллээх бардылар.

Дьулустаан ЕГОРОВ, Сунтаар улууһун үөрэҕин салалтатын методическай салаатын исписэлииһэ.

Добавить комментарий