Сунтаарга — Билии Кунэ

Билии Күнүгэр аналлаах улахан үөрүүлээх бырааһынньык Сунтаарга үрдүк таһымнаахтык ыытылынна. Чугдаарар маҥнайгы чуораан бырааһынньыгар кыттыыны ыллылар Сунтаар улууьун Аҕа баһылыга Григорьев А.В., Саха Өрөспүүбүлүкэтин уерэ5ин уонна наукатын министрэ Егоров В.А, Сунтаар нэһилиэгин баһылыга Филиппов Э.Е., Сунтаар улууһун үөрэҕириитин управлениятын начальнига Иванов А.И. Тэрээһин саҕаланыытыгар Сунтаар улууһун үөрэҕириитин управлениятын, оскуолаларын, оҕо уһуйааннарын үлэһиттэрэ, үгүс күрэхтэр,олимпиадалар,НПКлар кыайыылаахтара, спортивнай куоталаһыылар чемпионнара, призердара, туйгун үөрэнээччилэрэ параадтаатылар. Ыҥырыылаах ыалдьыттар саҥа үөрэх дьыла саҕаламмытынан эҕэрдэлээтилэр. Быйылгы уерэх дьылыгар Сунтаар улууьугар куутуулээх Уьун Куел орто оскуолатын сана таас дьиэтэ улэ5э киирэн улахан уеруулээх тугэн буолбутун кэлбит ыалдьыттар бары тоьо5олоон бэлиэтээтилэр.
«Оскуола иннинээҕи үөрэхтээһин, уопсай үөрэхтээһин, эбии үөрэхтээһин маастар-кылаастара» диэн бастыҥ инновационнай технологиялар, бырайыактар быыстапка-презентациялара,оонньуур площадкалара ыытылыннылар. Оpen-лекция «Бастакы аһаҕас уруоктар» олус сэргэхтик бардылар. Оскуоланы туйгуннук уерэнэн бутэрбит выпускниктар тереппуттэригэр Сунтаар улууьун А5а баьылыга Григорьев А.В. Махтал суруктары туттарда. «Мин сайыҥҥы каникулум» виртуальнай хаартыска күрэҕин кыайыылаахтара на5араадаланнылар. Сунтаар нэһилиэгин оскуолаларын ыккардыларыгар спортивнай күрэх ыытылынна. Тынааьыыннаах эстафета тумугунэн Сунтаардаа5ы политехническай лицей (дир. Сосин О.К.) кехтеех хамаандата кыайыылаа5ынан буолла. Иккис миэстэни Сунтаардаа5ы гимназия (дир.Евсеева Л.Е.), уьус миэстэни А.П.Павлов аатынан Сунтаардаа5ы №1 орто оскуолатын (дир.Матвеев А.С.) хамаандалара ыллылар. Ити курдук, Олоҥхо дойдута Сунтаарга Билии Күнүн үөрүүлээхтик бэлиэтээтилэр.

 

 

Добавить комментарий