Улусный семинар “Проектная деятельность по непрерывности и преемственности на уровнях дошкольного и начального образования”

Балаҕан ыйын 24 күнүгэр “Ньургуһун” оҕо сайдар киинигэр “Проектная деятельность по непрерывности и преемственности на уровнях дошкольного и начального образования” диэн улуустааҕы семинар үрдүк таһымҥа ыытылынна. Уопсайа 76 педагогтар кыттыыны ыллылар. Семинар саҕаланыытыгар тыл эттилэр Сунтаар улууһун үөрэҕириитин кылаабынай специалиһа Попова М.И., “Ньургуһун” оҕо сайдар киинин сэбиэдиссэйин э.т. Саввинова Т.М. Сунтаар улууһун үөрэҕириитин психолога Прокопьев Н.В. семинар кыттыылаахтарыгар тренингнары ыытта. “Кыталык” оҕо сайдар киинин иитээччитэ Егорова Л.М. “Оценка качества в сответствии с ФГОС ДО” темаҕа дакылаат оҥордо. Онтон семинарга 11 бииртэн биир интэриэһинэй бырайыактары Кутана,Күүкэй,Сиэйэ,Тойбохой, Уһун Күөл, Кириэстээх, Бордон, Сунтаар нэһилиэктэрин иитээччилэрэ,алын сүһүөх оскуола учууталлара көмүскээтилэр. Түмүгэр улуустааҕы семинар кыттыылаахтара инникитин оҕо уһуйааннарын иитээччилэрэ уонна алын сүһүөх оскуола учууталлара ыкса ситимнээхтик сомоҕолоһон үлэлиэххэ диэн баҕа санааларын эттилэр.

Добавить комментарий