«ОБРАЗОВАНИЕ — ДРАЙВЕР РАЗВИТИЯ»

Балаҕан ыйын 26-27 күннэригэр “Образование-драйвер развития” Бүлүүтээҕи үөрэҕирии форума М.А.Алексеев аатынан Үөһээ Бүлүүтээҕи гимназияҕа ыытылынна. Форумна 500-тан тахса Бүлүү,Горнай,Үөһээ Бүлүү, Ньурба,Сунтаар,Кэбээйи,Дьокуускай педагогтара кыттыылаах форумҥа Ил Түмэн депутата Габышева Ф.В. эҕэрдэ тылын эттэ уонна таһаарыылаах үлэни баҕарда. Сунтаар улууһуттан 23 киһилээх делегацияҕа Сунтаар улууһун үөрэҕириитин управлениятын үлэһиттэрэ, В.Г.Павлов аатынан алын сүһүөх, Г.Е.Бессонов аатынан Тойбохой орто оскуолаларын, политехническай лицей, Оҕо дьоҕурун сайыннарар киин, “Чебурашка”,”Кыталык» о5о уһуйааннарын педагогтара бааллар. Форумҥа кыттыыны ыллылар Саха Республикатын Ил Дархана А.С.Николаев, Саха Республикатын үөрэххэ уонна наукаҕа министрэ В.А.Егоров.

   Форум сыала-соруга- Бүлүү регионугар үөрэх хаачыстыбатын үрдэтиигэ, үөрэҕириини сатабыллаах салайыыга бииргэ үлэлээһин, бастын педагогическай практиканы тарҕатыы.

      Форумҥа кыттыыны ыллылар Москваттан,Санкт-Петербургтан ыҥырыылаах ыалдьыттар: Ясвин В.А., психологическай наука доктора, Москватааҕы государственнай педагогическай университет профессора; Комарова И.И., академик; Ренев О.А.,Санкт -Петербург 2018с. “Бастыҥ учуутал күрэҕин” кыайыылааҕа; Растворов Д.А., Сервис Яндекс. Учебник регионнааҕы сайдыытын директора уо.д.а.  

       Форумҥа биһиги улууспутуттан «Сетевое взаимодействие как фактор развития дополнительного образования в сельских условиях» (Васильева Н.В., Кривошапкина С.Ф., Алексеева А.Т., В.Г.Павлов аатынан Сунтаардааҕы начальнай оскуолата), «Проект «ART&РЕБЕНОК» (Ю С.С., Иванов Г.В., «Чебурашка» оҕо сайдар киинэ), «LEGO конструирование и робототехника в ДОУ-шаг к техническому творчеству детей» (Корнилова Д.А., Афанасьева К.В., «Кыталык» оҕо сайдар киинэ), «Инженеры будущего» (Антонова А.С., Алексеева Р.Г., Попова А.Н., политехническай лицей), «ТЕМП» (Леонтьева П.Е., Г.Е.Бессонов аатынан Тойбохой орто оскуолата), «Сетевое взаимодействие» (Лидочен Г.Н., Потапова Н.В, Оҕо дьоҕурун сайыннарар киин) бырайыактарын билсиһиннэрдилэр.

      “Качество образования в Вилюйском регионе” аһаҕас кэпсэтии; Бүлүү,Горнай,Үөһээ Бүлүү, Ньурба,Сунтаар улуустарын педагогтарын бырайыактарын презентациялара; семинар-практикумнар, методическай семинардар, маастар-кылаастар, тренингнар, дискуссионнай площадкалар; Ил Түмэн депутата Габышева Ф.В. кыттыылаах «О реализации Указа Главы Республики Саха (Якутия) от 22.11.2018 № 190 «О стратегических направлениях развития образования в Республике Саха (Якутия)» төгүрүк остуол тула кэпсэтии буоллулар.     

                                                       Сунтаар улууһун үөрэҕириитин управлениятын информационнай-методическай отдела

Добавить комментарий