Сунтаар улууьун малокомплектнай оскуолаларын алын сүьүөх кылаастарын учууталларын күрэҕэ В.М. Анисимов аатынан Түбэй орто оскуолатыгар үрдүк таьымна ыытылынна. Күрэххэ 10 учууталлар кыттыыны ыллылар: Обутова С.В., Григорьева Л.К.(Толоон алын сүьүөх оскуола-саада), Осипова Л.В., Федорова З.М.( В.М. Анисимов аатынан Түбэй орто оскуолата), Никитина Н.А.(Г.Т.Семенов аатынан Хадан орто оскуолата), Максимова А.Н.(Аллана орто оскуолата), Михайлова И.Г.(Илимниир оскуолата), Николаева С.С.(Тэнкэ алын сүьүөх оскуола-саада), Малышева С.С.(Хоро орто оскуолата), Аргунов В.Г.(Туойдаах оскуолата).
Улуустааҕы күрэх үөрүүлээх аьыллыытыгар В.М. Анисимов аатынан Түбэй орто оскуолатын директора А.А.Архангельская, Сунтаар улууьун үөрэ5ириитин управлениятын информационнай-методическай отделын начальнига Семенова Т.Б., кылаабынай специалист Попова М.И. уонна Сунтаар улууьун алын сүьүөх кылаастарын учууталларын күрэ5ин 2014 сыллаахха бастакынан көҕүлээбит Тэнкэ оскуола-саад директора Лукина С.И. эҕэрдэ тыл эттилэр. Сунтаар улууьун үөрэҕириитин управленията уруккуттан үтүө үгэстээх. Ол үгэс чэрчитинэн улуустааҕы күрэх дьүүллүүр сүбэтэ уонна кыттааччылара Түбэй орто оскуолатын алын сүьүөх кылаастарын үөрэнээччилэригэр барыларыгар сана дьыллааҕы минньигэс бэлэхтэри туттардылар.
Кыттааччылар 4 түьүмэххэ күрэхтэстилэр: уруок уонна кылаас таьынааҕы дьарык ыыттылар, тыа оскуолаларын сайдыытын туьунан бырайыактары көмүскээтилэр, учуутал идэтин туьунан бэйэлэрин презентацияларын билиьиннэрдилэр. Улуустааҕы күрэх түмүгүнэн кыайыылаах үрдүк аатын Илимниир оскуолатын учуутала Михайлова И.Г. ылла. 1 истиэпэннээх лауреатынан Г.Т.Семенов аатынан Хадан орто оскуолатын учуутала Никитина Н.А., 2 истиэпэннээх лауреатынан В.М. Анисимов аатынан Түбэй орто оскуолатын учуутала Осипова Л.В., 3 истиэпэннээх лауреатынан Аллана орто оскуолатын учуутала Максимова А.Н. буоллулар. «Увлеченность профессией» номинацияны В.М. Анисимов аатынан Түбэй орто оскуолатын учуутала Федорова З.М., «Креативный педагог» номинацияны Толоон алын сүьүөх оскуола-саадын учуутала Обутова С.В., «Учитель-новатор» номинацияны Хоро орто оскуолатын учуутала Малышева С.С., «Педагогический дебют» номинацияны Туойдаах оскуолатын учуутала Аргунов В.Г., Тэнкэ алын сүьүөх оскуола-саадын учуутала Николаева С.С. ыллылар. Маннык күрэхтэр учууталлар таьымнара үрдүүрүгэр, сайдалларыгар тирэх буолар.
Сунтаар улууьун үөрэҕириитин управлениятын информационнай-методическай отдела.
