«Бастыҥ учуутал-2020» улуустааҕы күрэх


Сунтаар улууьун «Бастыҥ учуутал-2020» күрэх кулун тутар 12-13 күннэригэр Сунтаар №3 орто оскуолатыгар ыытылынна. Сунтаардааҕы үөрэҕирии управлениятын өр сыллаах үтүө угэс буолбут акциятын чэрчитинэн күрэх кыттааччылара, дьүүллүүр сүбэ, Сунтаар №3 орто оскуолатын учууталлара алын сүьүөх кылааска үөрэнэр 8 оҕоҕо уруьуйдарыгар ойуулаабыт оонньуурдарын бэлэх туттардылар. Күрэххэ кыттар учууталлар уруоктары, кылаас чаастары, маастар-кылаастары биэрдилэр. Ону таьынан аьаҕас уруогу Уустуйа орто оскуолатын нуучча тылын уонна литературатын учуутала Никитин Г.Е., аьаҕас маастар-кылаастары Сунтаардааҕы үөрэҕирии управлениятын специалиьа Михайлов Д.А., Сунтаардааҕы политехническай лицей омук тылын учуутала Саввинова Д.И. биэрдилэр. Сунтаардааҕы үөрэҕирии управлениятын начальнига Иванов А.И. кытары үөрэх хаачыстыбатын үрдэтии туьунан төгүрүк остуол ыытылынна.
Дьүүллүүр сүбэ быьаарыытынан «Бастыҥ учуутал-2020» улуустааҕы күрэх кыайыылааҕынан Тойбохой орто оскуолатын нуучча тылын уонна литературатын учуутала Михайлова Анна Ивановна буолла. 2 истиэпэннээх дипломунан наҕараадаланна Сунтаар №3 орто оскуолатын история уонна обществознание учуутала Павлова Дария Николаевна. «Верность предмету» номинация Сунтаар №2 орто оскуолатын физика5а учууталыгар Крыжановская Марина Кононовнаҕа, «Творческое вдохновение» номинация Сунтаардааҕы гимназия саха тылын уонна литературатын учууталыгар Иванова Акулина Яковлевнаҕа, «Успешный старт» номинация Сунтаардааҕы гимназия нуучча тылын уонна литературатын учууталыгар Плескачевская Диана Михайловнаҕа туттарылыннылар. Оҕолор дьүүллүүр сүбэлэрин быьаарыытынан «Учитель ученических признаний» номинацияны Д.М.Плескачевская ылла.

Сунтаар улууьун үөрэҕириитин управлениятын информационнай-методическай отдела

Добавить комментарий