Кулун тутар 12-15 күннэригэр Сунтаар сэлиэнньэтигэр Хотугулуу-Илиҥҥи олимпиада маҥнайгы түһүмэҕин ааспыт үөрэнээччилэр, түөрт күн устата Сунтаардааҕы 1-кы нүөмэрдээх орто үөрэхтээһин оскуолатыгар, Лиссиэйгэ уонна Гимназияҕа 13 талбыт предметтэригэр олимпиада сорудахтарын толордулар. Бу олимпиада түмүгүнэн элбэх баалы ылбыт оҕо, Хотугулуу-Илиҥҥи федеральнай үрдүк үөрэх кыһатыгар киирэргэ ордук быраабынан туһаныан сөп.
Ону таһынан, Хотугулуу-Илиҥҥи федеральнай университет Финансовай эконмическай иститут «Экономическая теория» кафедратын преподователэ Евсеев П.В. түөрт күннээх лекция уонна практическай сорудахтаах обществознание предметигэр ОГЭ-ҕа уонна ЕГЭ-ҕа бэлэмниир үөрэҕи ыытта. Учебнай тренировочнай сбор түмүгүнэн үөрэнээччилэр Саха өрөспүүбүлүкэтин наукаҕа Академиятын сертификатын туттулар. Ол сертификаттара Хотугулуу-Илиҥҥи федеральнай университет Финансовай экономическай интитутугар туттарсалларыгар эбии ааҕыллыан сөп.
