Муус устар 6 күнүттэн Бырабыыталыстыба дьаһалынан өрөспүүбүлүкэ үрдүнэн «COVID-19» сыстыганнаах ыарыы тарҕамматын туһугар оскуолалар дистанционнай үөрэхтээһиҥҥэ көстүлэр.
Биэдэмистибэ дистанционнай үөрэхтээһиҥҥэ методическай сүбэ бигэргэппитэ. Манна 20-тэн тахса Интернет-платформа киирэр. Платформа сыалынан судаарыстыбаннай таһымнаах үөрэхтээһин икки саайтыгар дистанционнай үөрэхтээһини ыытыы буолар — «Арассыыйатааҕы электроннай оскуолаҕа» (РЭШ) уонна «Москубатааҕы электроннай оскуолаҕа» (МЭШ). Үөрэхтээһини сайыннарар уонна идэ таһымын үрдэтэр институт дистанционнай үөрэхтээһини ыытарга 4 модель бэлэмнээбитэ: 1 модель – үөрэнэргэ усулуобуйа толору ирдэбилгэ эппиэттиир (интернет, компьютер, ноутбук, смарфон эбэтэр планшет баар), 2 модель – интернет ситимэ баар, ол гынан баран компьютер, ноутбук, смартфон эбэтэр планшет суох. 3 модель – компьютер, ноутбук, смартфон эбэтэр планшет баар, ол гынан баран интернет суох. 4 модель – туох да суох (интернет, компьютер, ноутбук, смартфон эбэтэр планшет).
Сунтаар улууһугар оптоволоконнай интернет ситимэ үгүс нэһилиэги хабар буолан, бүгүҥҥү күнтэн саҕалаан дистанционнай үөрэхтээһин араас ньымаларын туһанан үлэлээн эрэбит. Ол курдук, оскуолалар үксэ «Ватсап», Учи.ру, решу ОГЭ/ЕГЭ, СГО, «Арассыыйатааҕы электроннай оскуолаҕа» (РЭШ) уонна «Москубатааҕы электроннай оскуолаҕа» (МЭШ) онлайн платформаларынан, «Zoom» уонна «Skype» нөҥүө видеоуроктары ыыталлар.
Холобур Арыылаах оскуолатыгар дистанционнай үөрэх 1-кы уонна 2-с моделынан барда. Бу иннинээҕи нэдиэлэҕэ кылаастарынан апробация ыытыллыбыта. РЭШ, Учи.ру, Гуглклассрум платформаларга регистрацияланнылар. ZOOM-унан, видеоватсабынан видеоконференция ыыттылар. Смартфоннара кыайан хачайдаабат оҕолорго ватсабынан үөрэнии барда. Онтон Элгээйи оскуолатыгар бэлэмнэнии уот кэлэринэн барбыта, үөрэх эмиэ 1-кы уонна 2-с моделынан саҕаланна. Уруоктар алын сүһүөх кылаастарга үксү Яндекс.учебник, орто уонна үрдүкү кылаастарга Учи.ру, РЭШ, Инфоурок көмөтүнэн ыытылыннылар. ZOOM-унан, видеоватсап, ватсап өҥөлөрүнэн туһаннылар. Устье оскуолата 100% ДОТ-ынан хабылыннылар: начаалынай оскуола уонна 5-9 кылаастар uci.ru, classtlm, 10-11 кылаастар uci.ru, classtim, якласс үөрэхтээһин платформаларыгар киирэн уерэннилэр. Учууталлар саҥа тема быһаарыытын видео уонна аудио сибээс нөҥүө консультациялары ыыттылар. Дистанцоннай уерэхтээһин 1 уонна 4 моделлара олоххо киирдилэр. ОВЗ-лаах оҕолорго видеосвязь көмөтүнэн үөрэтии барда. Онтон Бүлүүчээн нэһилиэгэр үөрэнээччилэргэ сорудахтарын ватсабынан уонна курьердар кумааҕыннан тиксэрдилэр.
Ити курдук, дистанционнай үөрэхтээһин төһө өр салҕанара биллибэт. Ол эрэн, хас биирдии үөрэх тэрилтэтэ үөрэнээччилэргэ билиини биэрэрэ – сүрүн сорудаҕа. Онон үөрэх тэрилтэлэрин салайааччылара, учууталлар, төрөппүттэр, үөрэнээччилэр – саҥа ньыманы туһанан, дистанционнай үөрэхтээһини баһылыырбыт эһигититтэн тутулуктаах, улахан суолталаах..
Сунтаар улууһун үөрэҕин салалтатын
уопсай үөрэхтээһин салаата.
