Эһигини барыгытын балаҕан ыйын 1күнүнэн-Билии күнүнэн уонна саҥа үөрэх дьыла саҕаламмытынан Сунтаар улууһун үөрэҕириитин салалтатын аатыттан ис сүрэхпиттэн эҕэрдэлиибин! Бүгүн Саха Республикатын бары оскуолалаларыгар маҥнайгы чуораан саҥа үөрэх дьыла саҕаламмытынан тыаһаан чугдаарар үөрүүлээх күнэ үүннэ.
Сунтаар улууһугар 34 оскуолаҕа 4299 оҕолор үөрэнэллэр. Быйылгы үөрэх дьылыгар Сунтаар улууһугар 407 оҕолор оскуола боруогун аан бастаан хардыылаан киирэллэр.
Оскуолаҕа оҕолор чэгиэн туруктаах доруобуйалаах, дьоҕурдарын-сатабылларын сайыннаралларыгар, ситиһиилээхтик үөрэнэллэригэр, чиҥ билиилээх буолалларыгар тус сыаллаах ситимнээх үлэлэр ыытыллаллар.
Күндү үөрэнээччилэр, Сунтаарбыт улууһун инники кэскиллэрэ, эрэллэрэ эһиги буолаҕыт. Үөрэх-билии аартыгынан хардыылаан, үрдүктэн үрдүккэ саҥа үрдэллэргэ дабайаҥҥыт үгүс билиилээх үтүө үлэһит, дьоһуннаах гражданин, патриот буола улаатыҥ.
Ытыктабыллаах учууталлар! Үөрэҕирии –дойду сайдыытын бигэ тирэҕэ буолар. Үөрэтэр-иитэр үлэҕитигэр дириҥ билиигитин, кыаххытын, сатабылгытын ууран туран айымньылаахтык, таһаарыылаахтык үлэлииргитигэр истиҥ махтал тылларын тиэрдэбин!
Күндү үөрэнээччилэр, учууталлар, төрөппүттэр! Баҕарабын барыгытыгар үүммүт саҥа үөрэх дьылыгар кытаанах доруобуйаны, үөрэххитигэр-үлэҕитигэр ситиһиилэри, этэҥҥэ буолууну! Үөрэтэр-иитэр үлэҕэ дьиэ кэргэн, оскуола, общественность бары түмсэн бииргэ үлэлиир үтүө үгэспит салҕанан сайда турдун.
Сунтаар улууһун үөрэҕириитин салалтатын начальнига А.И.Иванов