Быйыл «Кыталык» оҕо сайдар киинин төрүттэммитэ 30 сылыгар аналлаах «Оҕону сайыннарар көхтөөх киин эйгэтэ «Чөмчүүк саас туоната» диэн методическай пособиены сэбиэдиссэй Петрова Валентина Андреевна, сэбиэдиссэйи солбуйааччы Григорьева Светлана Иннокентьевна салалталарынан педагогтар авторскай бөлөхтөрө суруйан, оҥорон таһаардылар. Научнай салайааччылара- Михалева О.И., педагогическай наука кандидата. Бу пособие оҕо сайдыытыгар үлэ ис хоһоонун уонна технологиятын арыйар, иитээччигэ үөрэхтээһин хаачыстыбатын үрдэтэригэр олук уурар. Кинигэ интэриэһинэйэ диэн төрөппүт оҕотун иитиитигэр көмө буоларга эмиэ ананар. Уопсайынан ааҕааччы киэҥ араҥатын сэҥэриитин ылыаҕа. Сахалыы, нууччалыы суруллубут кинигэ оскуола иннинээҕи саастаах үөрэхтээһиҥҥэ кырачааннары иитиигэ-үөрэтиигэ оҕо уһуйааннарын үлэлэригэр тирэх буолуо.
Маннык тупсаҕай дириҥ ис хоһоонноох кинигэ бэчээттэнэригэр күүс-көмө буолбут үтүө санаалаах спонсордарыгар «Кыталык» оҕо сайдар киинин коллектива истиҥ махтал тылларын тиэрдэр: ИП «Максимова Н.А.» («Наталья» маҕаһыын), ИП «Степанова Н.А.» («Артемка» маҕаһыын), ИП «Тимофеева О.С.» («Аартык» маҕаһыын), ИП «Тимофеева М.М.» («Нюрбина» маҕаһыын), ИП «Егоров Г.С.»(«Альфа» маҕаһыын), ИП «Кривошапкина М.А.»(Бэрдьигэстээх, Горнай улууһа), ООО «Жилкомсервис»(ген.дир. Яковлев И.Р.).
Сунтаар улууһун үөрэҕин управлениетын информационнай-методическай отдела
