Сунтаар улууһугар оскуола иннинээҕи үөрэхтээһин 100 сылыгар аналлаах тэрээһиннэр чэрчилэринэн оҕо уһуйааннарын үлэһиттэрин чиэстээһин ыытылынна. Сунтаар улууһун үөрэҕин управлениетын начальнига Иванов А.И. истиҥ эҕэрдэтин эттэ уонна наҕараадалары туттарда. Сунтаар нэһилиэгин “Чебурашка” оҕо сайдар киинигэр өр сыл таһаарыылаахтык, үрдүк көрдөрүүлээхтик, үтүө суобастаахтык методиһынан үлэлээбит Ю Саргылана Степановна “Саха Республикатын оскуола иннинээҕи үөрэхтээһинин сайдыытыгар кылаатын иһин” бочуоттаах бэлиэнэн наҕараадаланна. Саргылана Степановна билигин Дьокуускай куорат “Сардаана” оҕо уһуйааныгар директоры солбуйааччынан үлэлиир. Сунтаар улууһун дьаһалтатын Бочуотунай грамотатынан Саввинова Сусанна Анатольевна, Махтал суруктарынан Петрова Валентина Андреевна- “Кыталык” оҕо сайдар киинин сэбиэдиссэйэ, Коротова Екатерина Алексеевна- “Березка” оҕо уһуйаанын сэбиэдиссэйэ, Егорова Августина Прокопьевна-“Чебурашка” оҕо сайдар киинин сэбиэдиссэйэ, Саввинова Татьяна Михайловна-“Ньургуһун” оҕо сайдар киинин сэбиэдиссэйэ, Винокурова Сардана Дмитриевна- “Кыталык” оҕо сайдар киинин иитээччитэ наҕараадаланнылар. Дьаархаҥҥа өр сыл иитээччинэн үтүө суобастаахтык үлэлээбит Николаенко Мария Николаевнаҕа “Саха Республикатын оскуола иннинээҕи үөрэхтээһинин сайдыытыгар кылаатын иһин” бочуоттаах бэлиэни Дьаархан орто оскуолатын директора Васильева Г.С. туттарда.
Информационнай-методическай отдел.
