Сэтинньи 25 күнэ-Олоҥхо күнэ

Устар ууну сомоҕолуур уус тыллаах олоҥхоһуттар айан хаалларбыт олоҥхолоро былыр төһө да сурукка тиһиллибэтэллэр, үйэлэри уҥуордаан көлүөнэттэн көлүөнэҕэ бэриллэн, саха омугун киэн туттуута, төрүт култуурабыт, баай тылбыт күндү чөмчүүктэрэ буолаллар.
Сунтаар улууһун оскуолаларыгар Олоҥхоҕо аналлаах үгүс тэрээһиннэр ыытылыннылар. Оскуолалар библиотекаларыгар олоҥхоҕо аналлаах кинигэ быыстапкалара тэрилиннилэр, библиотечнай уруоктар ыытылыннылар. Саха норуотун сүдү айымньытын үүнэр көлүөнэ билэрэ-үөрэтэрэ наада. Кинилэр төрөөбүт тыл бараммат баайын эриэккэс кэрэ эйгэтин, кустук өҥүнэн дьүһүйүллэрин эттэригэр-хааннарыгар оҕо эрдэхтэн иҥэринэллэрэ саха омук быстыспат төрүт ситимэ салҕанан барарыгар олук буолар.

                    Информационнай-методическай отдел

Добавить комментарий