Сунтаар улууһун оскуолаларын алын кылааһын үөрэнээччилэрин КВН хамаандаларын улуустааҕы “КВН-juniors” конкурс 2-с төгүлүн ыытыллар. Барыта 13 хамаанда, 106 алын кылаас үөрэнээччилэрэ кытыннылар.
Быйылгы конкурс уратылаах буолла-КВН хамаандаларын оонньууларын видео-матырыйаалларын кэтэхтэн көрүү ыытылынна. Бастакы сүүмэрдээһин түһүмэххэ 13 хамаанда 2 сорудаҕы толорон ыыттылар: “Дорообо, КВН” диэн темалаах бэйэни билиһиннэрии уонна “Арай биирдэ…” темаҕа музыкальнай нүөмэрдэрин дьүүллүүр сүбэ сыаналаата. Дьүүллүүр сүбэ састаабыгар М.И.Попова-улуус үөрэҕириитин салалтатын информационнай-методическай отдел кылаабынай специалиһа, Н.В.Уарова-республикатааҕы Саха-КВН 3 төгүллээх чемпион «Кыһыылаах кыраһаапчыктар» КВН хамаандатын салайааччыта, А.В.Винокурова-Сунтаардааҕы Ис дьыала органын ПДН инспектора, А.А.Филиппов – Сунтаардааҕы гимназия методист-организатора, рук. команды КВН «Дьүкээбил уоттара» КВН хамаандатын салайааччыта, Г.В.Иванов– улуус үөрэҕириитин салалтатын сүрүннүүр специалиһа, Н.В.Лидочен–Сунтаар улууһун ыччат отделын кылаабынай специалиһа. Хамаандалар бары үчүгэй бэлэмнээх кыттыбыттарын дьүүллүүр сүбэ бэлиэтээтэ. Сүүмэрдээһин түмүгүнэн 8 хамаанда 2-с түһүмэххэ финалга күөн көрсүһүөхтэрэ. Финал ахсынньы ый 9 күнүгэр кэтэхтэн көрүү форматынан уонна уопсай түмүгүнэн кыайыылаахтары наҕараадалааһын ZOOM- платформа нөҥүө ыытыллар.
Информационнай-методическай отдел
