Нюрба улууһун Антоновка оскуолатын алын кылааһын учууталлара өр сылларга бииргэ үлэлээбит коллегаларын, Бүлүүтээҕи педучилище выпускнига Саха Өрөспүүбүлүкэтин туйгуна, Филиппова Екатерина Ивановна аатын үйэтитэр сыалтан 2-с региональнай методическай турнир тэрийэн ыыттылар. Быйылгы турнир Бүлүүтээҕи педучилище үбүлүөйүгэр анаан уратытык ааста. Бүлүү кыһатын бүтэрбит алын кылаас учууталларын хамаандатын икки ардыгар 4 түһүмэххэ күөн көрүстүлэр. Бу турнирга биһиги улуустан Элгээйи алын сүһүөҕүн учууталлара уонна Сунтаар алын сүһүөҕүн оскуолатын учууталлара кыттан Сунтаарбыт чиэһин көмүскээтилэр. Элгээйи оскуолатыттан Иванова Л.В хамаандата, Сунтаартан Новикова Г.В хамаандата. Барыта 8 хамаанда кытынна (Нюрба улууьун оскуолаларыттан 6 команда, Сунтаар улууьун оскуолаларыттан 2 команда) уонна дьүүллүүр сүбэҕэ Сунтаар улууһуттан Алексеева М.А. кытынна.
Түһүмэхтэр учуутал араас сатабылын арыйар ис хоһоонноохтук ыытылыннылар.
1-кы түһүмэх: бэйэ хамаандатын билиһиннэрии. Бу түһүмэххэ хамаанда үлэтин билиһиннэриилэрэ биһирэннэ.
2- с түһүмэх: 20 мүнүүтэ устатыгар уруоктан быһа тардыы. Бу түһүмэххэ кылгас бириэмэ иьигэр биһиги учууталларбыт уруокка ханнык ньымалары тутталларын көрдөрдүлэр.
3- с түһүмэх: учуутал холбуката. хас биирдии учуутал туспа суоллаах-иистээх буоларын курдук, атын атын олус интэриэһинэй, билиигэ сирдиир, сайыннарар үлэлэрин көмүскээтилэр.
4-с түһүмэх. Учуутал-оҕо-төрөппүт: төрөппүттэргэ аналлаах мунньах бырайыагын кэпсээтилэр, көрдөрдүлэр.
Туерт түһүмэх түмүгүнэн — Кылаан кыайыылаах уонна ус номинация олохтоммут. Методическай турнир Кылаан кыайыылаа5ын аатын Элгээйи оскуолатын Иванова Лена Васильевна хамаандата ылла! Сунтаар начальнай оскуолатын Новикова Галина Васильевна хамаандата Ситиһиигэ бастыҥ хардыы» диэн анал аат хаһаайыттара буоллулар. Методическай турнир кыайыылаахтарын өссө төгүл эҕэрдэлиибит, үлэҕитигэр өссө үрдүк ситиһиилэри, тус бэйэҕитигэр доруобуйаны, дьолу баҕарабыт! 👏🏻👏🏻👏🏻👏🏻
