Иван Ильич-Чопчу Уйбаан төрөөбүтэ 90 сылын көрсө I улуустааҕы педагогическай ааҕыылар тохсунньу 20-27 күннэригэр Сунтаар улууһун үөрэҕириитин салататын информационнай-методическай отделынан, Түбэй-Дьаархан орто оскуолатын иьинэн тэриллэн ыытылынна. Иванов Иван Ильич- Чопчу Уйбаан, Yлэ уонна тыыл ветерана, СР үөрэҕириитин туйгуна, «Учууталлар учууталлара»,«Саха сирин методиhа», РФ уонна СР суруналыыстарын сойууhун чилиэнэ, Саха сирин бастыҥ селькора, кыраайы үөрэтээччи, Гражданскай килбиэн бэлиэ хаһаайына, педагогическай үлэ Бочуоттаах ветерана, Түбэй-Дьаархан нэһилиэгин Бочуоттаах олохтооҕо,Үрдук категориялаах учуутал, директор. Кини 55 сыл устата олоҕун оскуолаҕа оҕону үөрэтиигэ уонна иитиигэ анаабыта. Бу Ивановскай ааҕыылар күннэрин аһыллыыта тохсунньу 20 күнүгэр ыытыллыбыта. Бу тэрээһиҥҥэ кыттыыны ыллылар Сунтаар улууһун үөрэҕириитин салалтатын начальнига Иванов Альберт Ионович, Сунтаар улууһун үөрэҕириитин салалтатын информационнай-методическай отдел кылаабынай специалиһа Попова Маргарита Иннокентьевна, Сунтаардааҕы политехническай лицей директора Сосин Олег Константинович, Түбэй-Дьаархан оскуолатын директора Марков Кирилл Гаврилович, Иван Ильич кэргэнэ Иванова Мария Ивановна уонна оҕолоро Игорь Иванович, Александра Ивановна күндү ыалдьытынан буоллулар. Иван Ильич туһунан иһирэх тыллар этилиннилэр,кини олоҕун, айар үлэтин, дьарыктарын ахтан-санаан аастылар. Иван Ильич үйэтигэр истибит, тиспит саха омук бэргэн тылын хомуйан суруйбут кинигэлэрин быыстапката турда, «Ахсаанна аа5ыах”методическай таһымнаах кинигэтин хоһооннорун алын кылаас үөрэнээччилэрэ олус иһирэхтик ааҕан иһитиннэрдилэр. Ону таһынан үйэтигэр муспут араас коллекциятын выставкатын көрдүбүт, “Орой мэник” хоһоонугар айыллыбыт ырыаны иһиттибит. Аныгы олох сиэринэн ыарыы мэһэйдээн, куйаар ситимин нөҥүө олус иһирэхтик ааста.
Ивановскай ааҕыыларга 27 оскуолаттан уонна Сунтаардаа5ы о5ону сайыннарар киинтэн 135 кыттааччы кытынна. Бачча элбэх үлэ киирбитэ биһиги Иван Ильичпитин убаастыыллара, сыаналыыллара көстөр диэн наһаа үөрдүбүт. Бу үлэлэри 3 секциянан экспертнай комиссиялар сыаналаатылар. Ол курдук, 1кы секцияҕа -10, 2с секция5а -47, 3с секция5а -78 кыттааччы күрэхтэстилэр. 1кы секцияҕа Иван Ильич дьиэ кэргэнэ дьүүллэстэ, олус үрдүк таһымнаах үлэлэр киирбиттэрин бэлиэтээтилэр, дьиэ кэргэн анал бириистэрин анаатылар. Атын секцияларга элбэх үлэ киирбитинэн хастыы да миэстэ таҕыста. Ордук алын кылаас учууталлара актыыбынайдык кыттыбыттарын бэлиэтиэххэ наада.
Кыттыбыт учууталларга, библиотекарьдарга, үөрэх тэрилтэтин үлэһиттэригэр, Сунтаар улууһун үөрэҕириитин салалтатын салайааччытыгар Иванов Альберт Ионовичка, информационнай-методическай отдел кылаабынай специалиһыгар Попова Маргарита Иннокентьевнаҕа махталбытын биллэрэбит. Эһиэхэ үлэҕитигэр ситиһиилэри баҕара хаалабыт, сайда-үүнэ туруҥ!
Уһулуччу дьоҕурдаах учуутал, үтүөкэннээх киһи Иванов Иван Ильич олоҕо умнууга хаалбатыгар баҕарабыт. Норуот бэйэтин ааспыт историятыгар олук уурбут чаҕылхай дьонун ытыктыахтаах, кинилэр ааттарын көлүөнэттэн көлүөнэҕэ тириэрдэ туруохтаах. Биьиги кинилэри холобур оностон, үйэттэн уйэ саас тухары махталынан өйдүү-саныы сылдьарбыт билиҥҥи уонна кэлэр көлүөнэлэр ытык иэспит.
Түмүк