Саха Республикатын үөрэҕириитин хайысхатыгар 2022 сыл-Ааҕыы сылынан биллэриллибитэ. Бу сыл чэрчитинэн үгүс тэрээьиннэр ыытыллаллара торумнаммыта. Ол курдук, «Төрөөбүт Сахабыт сирин туьунан 100 мүнүүтэ аа5ыы» Саха АССР төрүттэммитэ 100 сыллаах юбилейыгар улуустааҕы онлайн-акция олунньу 8 күнүгэр Сунтаар улууьун оскуолаларыгар ыытылынна. Тэрээьин күнүс 3 чаастан 4ч.40 мүн. дылы бары оскуолаларга биир бириэмэҕэ буолла.
Уопсайа улуустааҕы ааҕыы онлайн-акциятыгар 2482 кыттааччылар кытыннылар: 2090 үөрэнээччилэр, 392 педагогтар, оскуола үлэьиттэрэ, төрөппүттэр. Онлайн-акция чэрчитинэн о5олор Саха АССР туьунан историяттан билсистилэр, төрөөбүт сирдэрин тустарынан хоьооннору, айымньылары ааҕаннар, саха тыла оруолун, Ийэ дойду хас биирдии киьиэхэ күндүтүн уонна ааҕыы көлүөнэлэри ситимниир, билиини тарҕатар суолтатын биллилэр.
Информационнай-методическай отдел
