«Патриот буолан төрөөбөттөр, патриот буола үүнэллэр» «Э-ХОС» некоммерческай тэрилтэ иилээн-саҕалаан үлэлэтэр проегын чэрчитинэн саастарын ситэ илик оҕолорго төрөөбүт дойдуга ытыктабылы иитэр, тапталы иҥэрэр сыаллаах Б.Н. Андреев аатынан Элгээйитээҕи Айылҕа түмэлигэр, «Туойдаах Алаас» кыраайы үөрэтэр түмэлгэ, С.А. Зверев аатынан фольклор түмэлигэр музейнай уруоктар, сэргэх экскурсиялар, кылаас чаастара ыытылыннылар. Тэрээһиҥҥэ 1 саҕалаан 11 кылааска тиийэ бары үөрэнээччилэр көхтөөх кыттыыны ыллылар. Эдэр ыччаты Ийэ дойдуга бэриниилээх буоларга, айылҕаҕа харыстабыллаахтык сыһыаннаһарга үөрэтии-иитии билиҥҥи общество биир тутаах соруга буолар. Кэнчээри ыччат кэскиллээх буоларын туһугар маннык хабааннаах тэрээһиннэр өссө да ыытылла туруохтара. Түгэнинэн туһанан, Б.Н. Андреев аатынан айылҕа түмэлин директорыгар А.С.Ивановаҕа, С.А. Зверев аатынан фольклор түмэлин салайааччытыгар К.П. Семеноваҕа барҕа махталбытын биллэрэбит!
Охлопков Н.Н., Элгээйи орто оскуолатын учуутала
