Сунтаар улууһун үөрэҕин эйгэтигэр Ааҕыы сылын чэрчитинэн улуус бары нэһилиэктэрин үөрэҕин тэрилтэлэригэр Ааҕыы түhүлгэтин чорооно ыалдьыттыыр. Ааҕыы чороонун айанын чэрчитинэн, бу нэдиэлэҕэ, Дьаархан орто оскуолатыгар элбэх тэрээһиннэр ыытылла тураллар. Ол курдук, Ааҕыы чорооно алын сүһүөх кылааһын оҕолоругар ыалдьыттаата. Бу тэрээһиҥҥэ оҕолор Дьаархаммыт нэһилиэгин айар дьоҕурдаах биир дойдулаахтарын кытта билсистилэр, кинигэлэрин биллилэр-көрдүлэр, аахтылар. Ону сэргэ остуоруйа кэрэ эйгэтин сэгэтэн кинигэ аахтылар. Оскуола библиотекатыгар оҕону ааҕыыга уһуйар сыаллаах интэриэһинэй кинигэ быыстапката тэрилиннэ, библиотечнай уруоктар ыытылыннылар.
Гольдерова С.С., Дьаархан орто оскуолатын педагог-библиотекара
