ЛААҔЫРДАР ФОРУМНАРА

Бэс ыйын 14 күнүгэр улуустааҕы 5-с оҕо сынньанар-чэбдигирэр лааҕырдарын «Время чудес” Форума Сунтаар күөл күөх туонатыгар ыытылынна.
Тэрийээччилэринэн улуустааҕы үөрэҕирии салалтата, Сунтаардааҕы оҕо дьоҕурун сайыннарар киин, улуустааҕы оҕо түмсүүтүн Координационнай сэбиэтэ буоллулар.
Форумҥа 5 оскуола уонна эбии үөрэхтээһин тэрилтэтин 11 этэрээтэ — 208 оҕо, 40-ча педагог, эмчит, асчыт көхтөөх кыттыыны ылла. Күн устата лааҕырдар икки ардыларыгар киэҥ ис хоһоонноох күрэстэр, интэриэһинэй көрсүһүүлэр, чэбдик салгыҥҥа доҕоттордуун оонньуу-көр көхтөөхтүк ыытылынна. Дьүүллүүр сүбэ бивуактары көрдө, минньигэстик астаммыт бастыҥ бүлүүдэни быһаарда, дьиэҕэ сорудахтары – этэрээти билиһиннэрии түһүмэҕин, хаһыат күрэһин, “Россия биһиги дьиэбит” КТД, улахан спортивнай эстафетаны, үҥкүү түһүлгэтин сыаналаата.
11 станциялаах “Россия биһиги дьиэбит” КТД этэрээтинэн сылдьан төрөөбүт дойдубут Саха сирэ, Россия туһунан өйү-санааны тургутар боппуруостарга эппиэттээтилэр, тулалыыр эйгэни харыстыырга туһуламмыт экологическай акцияҕа кытыннылар, Аан дойду норуоттарын үҥкүүлэрин кытта билистилэр. Улуу Пушкин хоһооннорун сахалыы тылбааһын доргуччу аахтылар, 100 спортивнай рекорду олохтоотулар, бары бииргэ «дьиэ туттулар”, QR-код интерактивнай оонньууга, гитаранан ырыаҕа ыллаһан күөх сирэмҥэ төгүрүччү олордулар, хонуу сибэккилэрин дьөрбөтүн оҥордулар.
Эбиэттэн киэһэ тэриллибит переговорнай площадкаҕа улуус биллэр-көстөр дьонун, тэрилтэ салайааччыларын, интэриэһинэй идэлээх ыччаттары кытта көрүстүлэр. Көрсүһүү кыттыылаахтара — улуустааҕы үөрэҕирии салалтатын начальнига А.И.Иванов, ыччат отделын начальнига Трофим Иванов, Татыйыына фирма генеральнай директора Н.П.Герасимова, психолог, блогер Надежда Уарова, эдэр урбаанньыт Денис Павлов, доруобуйа харыстабылыттан оҕо бырааһа Мария Игнатьева, культура уонна искусство эйгэтиттэн Юлия Филиппова пресс-конференцияҕа оҕолор ыйытыыларыгар хоруйдаатылар. Улуустааҕы полиция, ыксаллаах-быһыы майгы тэрилтэтин сотрудниктара оҕолорго бастакы көмөҕө сүбэлэри-амалары биэрдилэр, кылгас үөрэх ыыттылар. Юрий Энтин тылларыгар, Евгений Крылатов музыкатыгар “Прекрасное далеко” ырыаны Юлия Филиппова солистаах оҕо хора доҕордоһуу түһүлгэтин төрүттээбитэ Форум чыпчаал түгэнэ буолла.
Үҥкүү түһүлгэтигэр аныгы үҥкүүнү, индийскэй, кавказскай, ковбойскай, сахалыы үҥкүүлэри үллэстэн 30-ча мүнүүтэ иһигэр педагогтар Семен Федоровы, Людмила Колодезникованы кытта чочуйан, көстүүмнэрин толкуйдаан көрдөрбүттэрэ лааҕырга араас талааннаах, айар дьоҕурдаах оҕолор түмсүбүттэрин көрдөрдө, дохсун ытыс тыаһынан доҕуһуолланна.
Форум күрэстэрин түмүгүнэн кыайыылаахтар ааттара билиннэ.
1 миэстэ – Н.М.Родионова аатынан Сунтаардааҕы оҕо дьоҕурун сайыннарар киин “Дебют” лааҕыра (нач. Вера Зоммер, педагог Андриан Максимов)
2 миэстэ – П.Х.Староватов аатынан Элгээйи орто оскуолатын “Патриот” байыаннай-спортивнай лааҕыра ( нач. А.Н. Семенов)
3 миэстэ – Сунтаардааҕы политехническай лиссиэй-интэринээт “Мир открытий” лааҕырын “МиФ” этэрээтэ (нач. Саргылаана Иванова, педагогтар Саргылаана Лонкунова, Анна Ушатова)
Анал номинациялар:
“Мощный прорыв” Сунтаардааҕы политехническай лиссиэй-интэринээт “Мир открытий” лааҕырын “Технология” этэрээтэ (нач. Саргылаана Иванова, педагогтар Анна Попова, Диана Иванова, Изабелла Иванова)
“Знаток России” Сунтаардааҕы политехническай лиссиэй-интэринээт “Мир открытий” лааҕырын “Дьулҕан” этэрээтэ (нач. Саргылаана Иванова, педагогтар Алексей Федотов, Наталья Иванова)
“Лучшая организация быта” Сунтаардааҕы политехническай лиссиэй-интэринээт “Мир открытий” лааҕырын “Живая краса” этэрээтэ (нач. Саргылаана Иванова, педагогтар Венера Васильева, Валентина Фомина)
“Позитив лагеря” И.С.Иванов аатынан Сунтаардааҕы 2№-дээх орто оскуолатын “Сайын” үлэ сынньалаҥ лааҕыра (нач. Светлана Федорова, педагог Сардана Афанасьева)
«Высокий старт» А.П.Павлов аатынан Сунтаардааҕы 1№-дээх орто оскуола “Я-лидер” лааҕырын «Экстрим» этэрээтэ (нач. Айгыына Тотонова, педагог Лия Заморщикова )
«Стремление вверх» А.П.Павлов аатынан Сунтаардааҕы 1№-дээх орто оскуола “Я-лидер” лааҕырын “Сириус” этэрээтэ (нач. Айгыына Тотонова, педагог Марина Филиппова)
“Командный дух” А.П.Павлов аатынан Сунтаардааҕы 1№-дээх орто оскуола “Я-лидер” лааҕырын «KFC” этэрээтэ (нач. Айгыына Тотонова, педагог Ньургуйаана Назарова)
“Надежда РДШ” Сунтаардааҕы 3№-дээх орто оскуолатын «ART-Media» лааҕыра (нач. Семен Васильев, педагог Юлия Амбросьева). Кыайыылаахтар уонна номинаннар бары грамота, өйдөбүнньүк бириис тутан үөрүү-көтүү кынаттаах тарҕастылар.

Улуустааҕы 5-с лааҕырдар Форумнара сыалын-соругун толору ситтэ, салгыы оҕолорго үчүгэй сынньалаҥы, үрдүк ситиһиини, бары өттүнэн сайдыыны баҕара хаалабыт.
Айна Яковлева, тэрийээччи-педагог

Добавить комментарий