Балаҕан ыйын 21 күнэ — Олоҥхо дойдута — Сунтаарбыт бүттүүн сомоҕолоһор бэлиэ күнэ. «Сунтаар — Ытык алаһам» улууспут күнүнэн Сунтаарбыт дьонун-сэргэтин итиитик-истиҥник э5эрдэлиибит! Улууспут алта агрооскуолата бука бары 100% киирэн атыы-эргиэн дьаарбаңка5а, быыстапка5а актыыбынайдык кыттыбыта олус үчүгэй.
Ол курдук Куокуну оскуолата уопсайа 50 куул хаппыыста, 10 куул хортуоска, ону таhынан о5урсуу, моркуоп, сүбүөкүлэ киллэрэн барытын атыылаата. Быыстапка өттугэр коллектив эр бэрдэ оттон-мастан оноhуктарын уонна кэрэ аңардара, утумнаахтык кыhаллан туран, араас бэйэлэрин оноhуктарын көрдөрдүлэр. Ону таhынан бородууксуйаттан араас барыанньа, кэнсиэрбэ, күhүңңү хомуур арааhын киллэрэн дьүүллүүр сүбэни сөхтөрдүлэр.
Бу үөрүүлээх дьаарбаңка5а ыытыллыбыт «Күһүҥҥү киһи күлбүтүнэн» улуус үрдүнэн тыа хаһаайыстыбатын атыы-эргиэн дьаарбаҥкатыгар агрооскуолалар ыккардыларыгар Куокуну орто оскуолатын хамаандата кыайыылаах үрдүк аатын ылан 15000 солкуобай бириэмийэнэн на5араадаланна. Онтон «Лучшая фотозона» күрэххэ 1 истиэпэннээх диплом тутан 10.000 солкуобай суумманан на5араадаланна.
Түбэй оскуолата үүннэрбит сүбүөкүлэтин, моркуобун, эриэппэтин, редискатын, помидорун, о5урсуутун атыылаата. Маны таhынан бэйэлэрин идэhэлэриттэн ис, быарыттан торт, эбии бэрэскии, хансыарба, барыанньа арааhын атыылаан үөрдүлэр-көттүлэр. Эттэрин бэтэринээрэ суох буолан, вакциналаппакка хаалан, хомойуох иhин, кыайан киллэрбэтилэр. Ол да буоллар көрүү түмүгүнэн, агрооскуолалар икки ардыларыгар 2 миэстэни ылан тыhа5аhынан на5араадаланан үөрүүлэрэ өссө үксээтэ.
И. С. Иванов аатынан Сунтаардаа5ы 2 нүөмэрдээх оскуола сибииньэ этэ, моркуоп, тыыннаах муннук тэрийэн дьон сэргэтин тарта. Уопсай түмүккэ бочуоттаах 3 миэстэни ыллылар.
Сылын аайы ыытыллар «Сунтаар — ытык алаhам» төрөөбүт улууспут күнүн бэлиэтиир үтүө-мааны күңңэ агротехнологическай хайысхалаах Күндэйэ орто оскуолата тыа хаьаайыстыбатын бородууксуйатын атыы-эргиэн дьаарбаңка-күрэhигэр өрө көтө5үллэн туран кытыннылар.
Атыыга хортуоска, моркуоп, субүөкүлэ, кабачок, помидор, тыква, «Туьалаах хаhаас» хансыарба арааhын туруордулар. Дьон-сэргэ о5олор сылаас илиилэринэн үүннэриллибит үүнээйилэрин үөрэ-көтө атыыластылар. Улуус үөрэ5ин управлениетын грамотатынан на5араадаланнылар.
Арыылаах агрооскуолата улууска сылын аайы ыытыллар Көмүс күһүн атыы-эргиэн дьаарбаҥкатыгар кыттан та5ыстылар. Агрооскуола атыыга о5оруот аhыттан куулунан хортуоска, сүбүөкүлэ, моркуоп, кабачок, тыква, помидор, хара тыа аһыттан араас кэнсиэрбэлэри, барыанньалары, тэллэйи быыстапкалаатылар уонна атыылаатылар, Эттэн, үүнээйиттэн астаммыт бурдук аhылыгы хама5атык атыылаатылар.
Кэлбит дьон ас-үөл быыстапкатын интэриэһиргээн көрдүлэр-иһиттилэр.
Бордоң агрооскуолата араас оҕуруот аһын, сүөгэй, барыанньа, кэнсиэрбэ, ону таhынан кус, балык атыылаан 23 тыһыынча киллэрдэ.
Улууспут агрооскуолаларыгар ба5арыа этибит күндү мааны улэhит үөрэнээчилэри, инникитин да өссө элбэх үлгэм хомууру уонна ситиhиини! Оскуолаларбыт бары улэhиттэригэр бар5а махтал!
