Алтынньы ый 4-7 күннэригэр Дьокуускай куоракка 14 төгүлүн ыытыллар Саха Өрөспүүбүлүкэтин учууталларын уонна үөрэх эйгэтин үлэһиттэрин сийиэстэрэ буолара күүтүллэр. Бу тэрээһиҥҥэ Сунтар улууьуттан 27 делегат талыллан кыттыыны ылыахтара, ол иһигэр Сунтаар улууһун Аҕа баһылыга Анатолий Григорьев, депутаттар сэбиэттэрин салайааччыта Ульяна Попова, биир дойдулаахпыт, Саха Өрөспүүбүлүкэтин үөрэх уонна наука министиэристибэтин миниистири солбуйааччыта Владимир Тихонов, Сунтаардааҕы уэрэ5ирии салалтатын салайааччыта Альберт Иванов уонна Сунтаар улууһун үөрэх эйгэтин салайааччылара, учууталлара, иитээччилэрэ кыттыыны ылыахтара. Быйылгы мустуу Саха сирин Автономията төрүттэммитэ 100 сылыгар уонна СССР норуодунай учуутала М.А Алексеев 105 сааьыгар ананан ыытыллар.
Сийиэс чэрчитинэн элбэх көрсүһүүлэргэ, үөрэ5ирии үлэһиттэрин чиэстиир тэрээһиннэргэ, үөрэх сайдыытыгар сүбэлэһии мунньахтарга, үөрэх сайдыытын көрдөрөр быыстапкалар, араас хабааннаах мастер-кылаастарга, о.д.а. тэрээһиннэргэ Сунтаар улууһун делегаттара көхтөөхтүк кыттарга бэлэмнэр.
Сийиэс сүрүн тэрээһинэ-пленарнай мунньах алтынньы 5 күнүгэр – Учуутал күнүгэр буолар. Мунньахха үөрэх сайдыытын стратегиятын дьүүллэһиэхтэрэ, сийиэс түмүгүнэн үөрэх 2030 сылга диэри сайдыытын Концепцията ылыллыаҕа.
