«Открытое образование – пространство возможностей»

Алтынньы 4-7 күннэригэр учууталлар уонна педагогическэй уопсастыбаннас «Открытое образование – пространство возможностей» диэн XIV сийиэс буолла. Сунтаар улууһуттан 27 дэлэгээт кыттыыны ылла. Ил Дархан Анал этиитигэр үөрэҕирии эйгэтин саҥа кэм ирдэбилинэн сайыннарар сонун тосхоллору толкуйдуурга уонна ылыллыбыт быһаарыылар көдьүүстээх буолалларыгар туһаайда. Стратегическай сиэссийэлэр, сийиэс пленарнай мунньаҕын түмүгүнэн 2030 сылга диэри үөрэҕирии систиэмэтин сайыннарыыга туһуламмыт стратегия олоххо киирэригэр былаан бигэргэннэ. Сунтаар дэлэгээттэрэ тас дойдуну кытта сибээс министиэристибэтин кытта көрүстүлэр. XIV сийиэс чэрчитинэн учууталлар педагогическэй эдьютонҥа кыттыыны ыллылар, тэрээһини экономика үрдүк оскуолатын чилиэннэрэ экспиэртээтилэр. Ону таьынан дэлэгээттэр Дьокуускай куорат оскуолаларыгар уонна орто уэрэх кыьатыгар кылаас чааьын «Разговоры о важном» ыыттылар. Сунтаардаа5ы «Кыталык» о5о уьуйаанын улэьиттэрэ Петрова Валентина Андреевна -уьуйаан сэбиэдиссэйэ, Григорьева Светлана Иннокентьевна -уьуйаан сэбиэдиссэйин солбуйааччы, Егорова Любомира Михайловна -иитээччи о5о сайдыытыгар туьаайыллыбыт «Чөмчуук саас туоната», «Родной язык-дыхание души»диэн темалаах ынырыыннан маастар кылаас кердердулэр.
Сийиэс чэрчитинэн « Өлбөөдүйбэт мөссүөннэр» хаартыска быыстапката буолан ааста. Үөрэҕирии түмэлин салайааччыта Иванова Альбина Григорьевна хас да сыллаах сыралаах чинчийэр үлэтин түмүгүн кэпсээтэ, көрдөрдө дьон болҕомтотун тарта. 19 ыал дьиэтин архыыбыттан, 5 араас түмэлтэн, Национальнай архыыптан булан, историк көрүүтунэн системалаахтык тэриллибитин быһаарда. Быыстапка истэриичэскэй чахчыларга , хаартыскаларга олоҕуран Сунтаар оройуонугар 1922-…сс Гражданскай сэриигэ утары турбут күүстэри көрдөрөр. Ыҥырыылаах ыалдьытынан буоллулар «Чолбон» сурунаал редактора Андросов Гаврил Гаврильевич, быыстапка геройдарын ыччаттара Доценко Г.С., Попова Н.А., Попова Е.В., Попова С.Д., Молотков сиэнэ уонна 14 съезд делегаттара. Алтынньы 4 күнүгэр, СССР норуодунай учуутала — Михаил Андреевич Алексеев мэҥэ тааһыгар сибэкки дьөрбөтүн ууруу буолла.
Былаас араас араҥатын кытары, М.К. Аммосов аатынан ХИФУ үлэһиттэриниин дэлэгээттэр көрустулэр. Маны тэҥэ кинигэлэр презентациялара буолла, ол курдук, Саха АССР төрүттэммитэ 100 уонна Саха АССР Просвещениетын норуодунай комиссариата тэриллибитэ 100 сылларынан «Образование – важнейший фактор развития Республики Саха (Якутия)» кинигэни, Педагогическай энциклопедия алтыс туома сүрэхтэннэ, билиһиннэрдэ редколлегия чилиэнэ, кылаабынай ааптар Саха АССР заслуженнай учуутала, ССРС уонна Сэбиэскэй сойуус туйгуна Варвара Сергеевна Иванова (Зверева). Бу энциклопедия5а 4255 тахса педагогическай улэьиттэр киирдилэр ол курдук Сунтаардаа5ы үөрэҕирии саламтатын начальнига Иванов Альберт Ионович, информационно-методическай отдел исписэлииьэ Попова Маргарита Иннокентьевна уонна үөрэҕирии саламтатын бэтэрээннэрэ, улууспут учууталлара. Сунтаар улууһун дэлэгээттэрин кытта Саха Өрөспүүбүлүкэтин Ил Тумэн кэмитиэтин бэрэсэдээтэлэ Ф.В. Габышеваны уонна Ил Тумэн депутатын А.Ю. Николаевы кытта керсүһүү буолан ааста, тумугэр үөрэҕирии систиэмэтин сайыннарыытыгар кылаат уурбут улэһиттэри бочуотунай грамотанан наҕыраадалаатылар, ол курдук уөрэҕирии саламтатын исписэлииһигэр Иванова Альбина Григорьевнаҕа, Арыылаах орто оскуолатын дириэктэригэр Никитина Лидия Гаврильевнаҕа, Элгээйитээҕи «Елочка» уһуйаан сэбиэдиссэйигэр Харитонова Марина Васильевнаҕа уонна Сунтаардааҕы оҕону сайыннарар киин дириэктэригэр Антонова Ангелина Владимировнаҕа туттардылар..«Арассыыйа – мин устуоруйам» түмэлгэ «Образование, открытое в будущее» мультимедийнай быыстапкаҕа кытыннылар Сунтаардааҕы лицей-интэринээт эбии уэрэхтээһин педагогтара Диана Вячеславовна Иванова, Изабелла Гаврильевна Иванова, Анна Афанасьевна Попова .
Манна Саха Сирин үөрэҕириитин ситиһиилэрин кэпсиир, сайдыыга хайысхаларын сэһэргиир матырыйааллары билиһиннэрдилэр. Алтынньы 6 күнүгэр СӨ Ил Дарханын иһинэн Төрөппүт сэбиэтин бастакы мунньаҕа буолла. Бу сугулаан өрөспүүбүлүкэ үрдүнэн ыытыллар Педагогическай декада биир сүрүн тэрээһинэ буолла Састаабыгар оскуолалар төрөппүттэрин кэмитиэттэрин уонна уопсастыбаннай тэрилтэлэр бэрэстэбиитэллэрэ киирдилэр. Сүрүн сыала – оҕону иитиигэ баар кыһалҕалары быһаарыы, соруктары ситиһиигэ табыгастаах ньымалары тобулааһын. Сийиэс чэрчитинэн үөрэҕирии систиэмэтин үлэһиттэрин Саха АССР 100 сыллаах үбүлүөйүнэй сылынан Сунтаардааҕы политехническэй лицей-интэрнээт технология учууталын Любовь Федоровананы уонна Тойбохойдооҕу орто оскуола дириэктэри научно-методическай улэҕэ солбуйааччы Пальмира Леонтьеваҕа Судаарыстыбаннай Анал Бириэмийэни туттардылар.

Добавить комментарий