Алтынньы 18 күнүгэр Бордоҥҥо «Преемственность ДОУ и начального обучения как формирования функциональной грамотности в условиях реализации обновлённого ФГОС» диэн темаҕа улуустааҕы семинар буолан ааста. Барыта 51 учуутал, иитээччи, ИМО МКУ МОУО кылаабынай специалиһа Маргарита Иннокентьевна, дошкольнай отдел салайааччыта Нина Станиславовна мааны ыалдьыт буолан аһаҕас уруоктарга, куруһуок дьарыктаныыларыгар, «Хатыҥчаан» уһуйааныгар аһаҕас дьарыктаныыга, оскуола музейыгар, психолог, библиотекарь, учууталлар араас темаҕа иһитиннэриилэригэр сылдьан астынан бардылар. Эдэр үлэһиттэр бэйэлэригэр элбэҕи, саҥаны иҥэриннилэр, баай уопуттан сомсон ылан барҕа махтал тылларын эттилэр. Семинар үрдүк таһымҥа ааспытын, Бордоҥ оскуолата туризмҥа, патриотическай иитиигэ, спортка элбэх үтүө традициялардааҕын, учууталлар таһымнара , оҕолор билиилэрэ үрдүгүн бэлиэтээтилэр.
