Бүгүн Элгээйибит нэҺилиэгэр Хоро нэҺилиэгиттэн СӨ үөрэ5ириитин министерствотын кө5үлээҺининэн тэриллибит республика оскуолаларыгар Аа5ыы сылын чэрчитинэн саха народнай поэта Леонид Андреевич Попов аатынан Арыылаах агрооскуолатын кө5үлээҺининэн тэриллибит Аа5ыы түҺүлгэтин чорооно кэллэ. Элгээйи нэҺилиэгин баҺылыга Павел Григорьев, билиигэ-көрүүгэ тардыҺар нэҺилиэк дьоно -сэргэтэ, П.Х.Староватов аатынан орто оскуола учууталлара, «Елочка» уҺуйаан үлэҺиттэрэ ыччат дьоҥҥо төрөөбүт тыл сүмэтин иҥэрбит,саха алааҺыттан тахсыбыт поэт,учуутал Иван Герасимович Иванов-Уйбаан Нуолур аатынан билии Храмыгар Аа5ыы чороонун көрүстүлэр.Суруйааччы сырдык аатыгар сүгүрүйэн туран Уйбаан Нуолур бюҺугар тэрилтэ салайааччылара гирлянда уурдулар.Үөрүүлээх быҺыыга Хоро орто оскуолатын библиотекара Лидия Валериевна Петрова Аа5ыы чороонун Элгээйи нэҺилиэгин баҺылыгар Павел Григорьевка туттарар. Тэрилтэ салайааччылара аа5ыыны, билиини өрө тутар кынаттаах тылларынан Чороону э5эрдэлии көрүстүлэр. Күндү ыалдьыттарга «Ийэ тыл» аа5ар бөлө5ө Уйбаан Нуолур «Элгээйи», «Эр санаа» эр дьон аа5ар бөлө5ө А.Е.Кулаковскай-Өксөкүлээх Өлөксөй «Ойуун түүлэ» поэматыттан быҺа тардан аахтылар.Салгыы Аа5ыы чорооно П.Х.Староватов аатынан орто оскуола үөрэнээччилэригэр тиийдэ. Сахалыы нөрүөн-нөргүйэн,урааҥхайдыы уруйдаан-айхаллаан туран «Аа5ыы чороонун» алгыҺынан көрсөр СӨ үөрэ5ириитин туйгуна, Саха сирин үтүөлээх этээччитэ Людмила Павлова. » Алгыс»о5о образцовай ансамбылын үҥкүүҺүттэрэ Чороонноох үҥкүүнэн э5эрдэ нүөмэри бэлэхтээтилэр.»Эр санаа» эр дьон аа5ар бөлө5үн күргүөмнээх аа5ыытын кэнниттэн оскуола үөрэнээччилэрэ, учууталлара биир сомо5о буолан Леонид Попов «Сахам сирин таптыыбын» хоҺоонун доргуччу аахтылар. Салгыы кылаастар суруйааччыларга аналлаах фотозоналарын күрэҺэ ыытылынна. Хас биирдии кылаас аа5ыыны кө5үлүүр,суруйааччы оло5ун арыйар, үөрэнээччилэри духуобунай өй-санаа өттүнэн байытар сыаллаах бииртэн биир баай ис хоҺоонноох фотозоналара көрөөччүлэри тарта. Элгээйигэ Аа5ыы чорооно икки нэдиэлэ баарын тухары оскуола5а, уҺуйааннарга, Уйбаан Нуолур аатынан олохтоох библиотека5а «Аа5ар киҺи-билиилээх, билиилээх киҺи- сайдыылаах,сайдыылаах киҺи -кэскиллээх» диэн девиҺинэн уҺуйаан иитиллээччилэригэр, үөрэнээччилэргэ, төрөппүттэргэ, учууталларга араас күрэстэр, акциялар, семинардар тиҺигин быспакка барыахтара уонна сырдатыллыахтара.
