Чороону аан бастаан Саха балағаныгар көмүлұөк оһох сылаас сыламынан, алгыстаах арыылаах алаадьынан, кырылыы кыынньар кымыһынан сахалыы сиэринэн «Иис алыба» түмсүү чилиэннэрэ көрүстүлэр.
✨✨✨✨✨
Балағаммытыгар ураты түгэнинэн икки Улуу дьоммут Норуот худуоһунньуга , букатын эдэркээн сылдьан , Т.А.Степанов 50 сыл анараа өттүгэр истиэнэғэ уруһуйдаан хаалларбыт «Күндэйэ хотун» үлэтэ уонна 40 сыл анараа өттүгэр Сиэйэ маастара чочуйан оңорон Норуот поэта Л.А.Поповка бэлэхтээбит чорооно тиксиһэн, бу Саха норуотун, Сунтаардар чулуу уолаттара бэйэлэрин талааннарынан күн бүгүн ыччат дьоңңо тийэн кэлбит курдуктар.
Ыалдьыттарбыт Тимофей Степанов бу үлэтэ хайдах суруллубут остуоруйатын уонна бу үлэни талааннаах тарбахтаах Күндэйэ иистэнньэңнэрэ (сал. Евсеева А.И.) кыбытыы тигии ньыматынан иккистээн тилиннэрэн, бұтүн Россия хайдах быыстапкаға турбутун иэйэн туран кэпсээбиттэрин олус сэргээтилэр.
🌷🌷🌷🌷🌷
Любовь Львова, Татьяна Семенова иэйиилээх хоһоонноро сүрэғи сылаанньытта.
🌿🌿🌿🌿🌿
Салгыы «Аағыы чорооно » «ИЛ » култуура киинигэр тийдэ.
Чороону оскуола оғолоро, нэһилиэк олохтоохторо ытыс тыаһынан көрүстүлэр.
Элгээйи делегацията «Аағыы чороонун» алгыс тылынан Күндэйэлэргэ туттарда.
Дорғоонноох тойук дуорайда, алгыс ұңкүүтүнэн арыалланна, хомуһуннаах хоһоон түһүлгэтэ төрүттэннэ, ыллам ырыа дьиэрэйдэ.
Кинигэни аағыы үөрэххэ, сайдыыга, олоххо суолтатын тула сиэрдээх кэпсэтии тэрилиннэ.
Салгыы Б.Н.Егоров аатынан Күндэйэ орто оскуолатыгар биир нэдиэлэлээх аағыыга, кинигэғэ сыһыаннаах араас тэрээһиннэр буолуохтарын туһунан этилиннэ.
Түмүгэр инники сайдыыга тускуллуур оһуокай барыбытын биир тыыңңа түмэ тарта, дьоллоох суолу түстээтэ.☀️☀️☀️🙌🙌🙌 🎊🎊🎊🎉🎉🎉
