«Күн оҕолоро» Өрөспүүбүлүкэтээҕи 3 төгүлүн тэриллэр өбүгэ оонньууларын аһаҕас турнира

Ахсынньы 3, 4 күннэригэр Дьокуускай куоракка ыытыллыбыт «Күн оҕолоро» Өрөспүүбүлүкэтээҕи 3 төгүлүн тэриллэр өбүгэ оонньууларын аһаҕас турнирыгар барыта 16 хамаанда, 224 үөрэнээччи кыттыыны ыллылар. Сунтаар улууhуттан Бордоҥ орто оскуолатын хамаандата олус ситиһиилээхтик кыттан бэйэлэрин холоннулар. Үгүс оҕолор аан маҥнайгытын, бэл оскуола да иһигэр холонон көрбөккө тута республикаҕа баран кыттан сөхтөрдүлэр, бэйэлэрин тургуттулар. Ол курдук, күрэх барыта 8 көрүҥүнэн ыытылынна.

  1. «Былыргылыы хабылык»
  2. «Былыргылыы хаамыска»
  3. «Ойбонтон уулааһын»
  4. «Көтөх ынаҕы туруоруу»
  5. «Тутум эргиир»
  6. «Кириэс тэбии»
  7. «Кырынаастааһын»
  8. «Бэрэмэдэйдээх сырсыы»
    Бу көрүҥнэр аайы кыттыыга уопсайа 6 хамаанда бэйэтин холонно. (Бордоҥ, Бэдьимэ, ЯГНГ, Айыы кыһата, Магарасская СОШ, Модун). Атыттар биирдии, иккилии, үстүү көрүҥҥэ кыттыннылар. Хас көрүҥ аайы 6-лыы киһилээх хамаанда кыттар. Икки күнү быһа “Модун” спорт киинигэр уонна «Өрөгөй» уораҕайыгар бэрт үрдүк таһымҥа тэрилиннэ.
    Биһиги оскуолабыт хамаандата бастакы күҥҥэ:
    «Былыргылыы хабылык» — 1 миэстэ. Абсолютнай кыайыылаах Алена Максимова (Алена Максимова -1 м, Нелли Анисимова-2 м, Мичийэ Михайлова-1 м, Робер Удин-2 м., Дьулустан Данилов 2 м, Ариан Петров-4 м.)
    «Кырынаастааһын»-3 миэстэ ( 1 мүн. Роберт Удин-2 м. 83т, Мирослав Гуринов-42т., Дьулус Прокопьев- 35 т, Дьулустан Данилов –42т)
    «Ойбонтон уулааһын»- 2 миэстэ (Маша Заборовская 4 м, Лучший результат среди девочек Тоня Андреева-1 м., (1м37сек.), Ньургустаана Прокопьева-3 м., Ариан Петров-1 м.(2м34 сек.), Дьулустан Данилов-6 м, Абсолютнай кыайыылаах Мирослав Гуринов-1 м.(1м22 сек.)
    «Кириэс тэбии»-7 миэстэ (Аня Потапова-7м, Марина Неустроева-6 м, Алена Максимова -8 м., Ариан Петров -9м, Дьулус Прокопьев 3 м., Мирослав Гуринов -2 м)
    «Тутум эргиир» -3 миэстэ (Ариан Петров-3 м., Дьулустан Данилов-3 м, Роберт Удин-2 м., Маша Заборовская-5 м, Галя Матросова-4 м., Прокопьева Ньургустана-8 м.)

Иккис күҥҥэ:
«Былыргылыы хаамыска»-2 миэстэ (Мичийэ Михайлова -4 м., Нелли Анисмова-2м., Алена Максимова 1 м., Ариан Петров-3 м., Дьулустан Данилов-2 м., Роберт Удин-4 м)
«Көтөх ынаҕы туруоруу»-3 миэстэ (Аня Потапова-9 м, Тоня Андреева-1 м., Ньургустана Прокопьева-5 м., Ариан Петров-3 м., Дьулус Прокпоьев -2м, Роберт Удин-2 м.)
«Бэрэмэдэйдээх сырысыы» диэн көрүҥҥэ о5обут атаҕа эчэйэн хаалан результат ылбатыбыт.
Бары көрүҥҥэ кыттыбыт оскуолаларга уопсай түмүк тахсыа диэн күүппүппүт оннук түмүмгү таһаарбатылар. Барыта күрүҥүн аайы таһаараллар эбит.
Дьэ инньэ гынан, бу курдук түмүктээх бэйэбит курдук орото оскуолалар, ону таһынан ДЮСШ, спортивнай кулуупка дьарыктанар оҕолору кытта эрбии биитин курдук эрийсэн, 5-тии мэтээли түөспүтүгэр иилинэн, ситиһиилээхтик кыттан үөрэн-көтөн дьиэлээтибит. Эһиил күүстээхтик бэлэмнэнэн, хайаан да өссө үрдүк көрдөрүүлэргэ талаһыахпыт диэн санаалаах тарҕастыбыт. Өбүгэбит оонньуулара оҕо этин-хаанын сайыннарарын, доруобуйатын тупсарарын ыйан туран, биһиэхэ саха дьонугар, хас биирдиибитигэр саһа сытар кыаҕы уһугуннаран дьарыктанарбыт, оҕолорбутун көҕүлүүрбүт эбитэ буоллар хайдах курдук бэйэлэрин кыанар, көтө-дайа, чэпчэкитик уйдара сылдьар, өбүгэ оонньууларын сөбүлүүр, дьарыгырар бииртэн-биир дьоҕурдаах, кыахтаах оҕолор элбии, тахса туруо этилэрий? Онно аналлаах күрэхтэр тэриллэн ыытылла тураллара олус үчүгэй уонна кэрэхсэбиллээх. Түгэнинэн туһанан күрэххэ кыттыбыт оҕолорбутугар, куруук оҕолорун өйүүр-өйдүүр төрөппүттэргэ (сорох ыалтан иккилии оҕо баран кыттыыны ыллылар) улахан эҕэрдэ уонна остуолбут оонньуутун тренеригэр Дора Николаевнаҕа, бэйэтинэн барсан көмө-имэ, сүбэ-ама буолбут төрөппүт Сардаана Егоровнаҕа, айан суолбутун кыратык да чэпчэппит суоппардарга, оскуолабыт саламтатыгар, хамаанда туһугар ыалдьыбыт учууталларбытыгар, биир дойдулаахтарбытыгар улахан махтал буоллун!!!

С.Н. Кычкин, Л.Г Петрова. 4.12.2022 сыл.

Добавить комментарий