«ЧЫПЧААЛ» — 2022

Тохсунньу ый 24 күнүгэр С. А. Зверев – Кыыл Уола аатынан улуустааҕы норуот айымньытын киинигэр Сунтаар улууһун сыл бастыҥ спортсменнарын чиэстээһин тэрээһинэ буолла.

Улуус Аҕа баһылыга Анатолий Григорьев спортсменнарга, тренердэргэ, төрөппүттэргэ махталын биллэрдэ. Ааспыт сылга ситиспит ситиһиилэрэ чиҥээн, өссө даҕаны үрдүк чыпчааллар кэлэ турдуннар диэн баҕа санаатын тиэртэ. Ону тэҥэ улууспут чулуу бөҕөстөрүгэр, күүстээх мадьыныларыгар наҕараадалары туттартаата.

Ол курдук , о5олорго «10 бастыҥ спортсмен» аатын ыллылар:

*Жанна Чалбанова – Түбэй орто оскуолатын 9 кылааһын үөрэнээччитэ;

*Николай Иванов – Кутана орто оскуолатын 8 кылааһын үөрэнээччитэ;

*Юлиан Сидоров – Аллыҥа орто оскуолатын 10 кылааһын үөрэнээччитэ;

*Роберт Удин – Бордоҥ орто оскуолатын 10 кылааһын үөрэнээччитэ;

*Влад Ноговицын – Сунтаардааҕы 3 нүөмэрдээх оскуола 11 кылааһын үөрэнээччитэ;

*Роман Кириллин – Сунтаардааҕы 3 нүөмэрдээх оскуола 9 кылааһын үөрэнээччитэ;

*Эльдар Поднебесов – Сунтаардааҕы 3 нүөмэрдээх оскуола 9 кылааһын үөрэнээччитэ;

*Анатолий Иванов – Сунтаардааҕы 3 нүөмэрдээх оскуола 11 кылааһын үөрэнээччитэ.

Ону таһынан «Сыл бастыҥ ветеран-спортсмена», «Сыл бастыҥ тренерэ» Кутана орто оскуолатын дириэктэригэр Владимир Архиповка, «Сыл бастыҥ учуутала» Аллыҥа орто оскуолатын физическэй култуура учууталыгар Тимофей Большаковка иҥэрилиннилэр.

Сунтаар үөрэҕириитин аатыттан оҕолору дьарыктаабыт тренердэргэ, күүс-көмө буолбут дириэктэрдэргэ бар5а махталбытын тиэрдэбит. Спортсменнарга бу кэлбит сылга кыайыыны-хотууну баҕарабыт.

Добавить комментарий