Кулун тутар 16-17 күннэригэр НАТК “Партизан” кулуубугар Сунтаар улууhугар Төрөөбүт төрүт тылга анаммыт сылга ыытыллар «Алыптаах мааска, о5олор-2023» оскуола самодеятельнэй театральнай кэллэктииптэрин көрүү-күрэҕэ төрдүс сылын үрдүк таhымҥа буолан ааста. Бу тэрээhиҥҥэ бэлэмнэнии үлэтэ күhүҥҥэттэн саҕаламмыта. Ол курдук улуустааҕы үөрэх саламтата уонна “Бартыһаан” норуот айымньытын театральнай киинэ бииргэ үлэлэһэр сыллааҕы былаанын чэрчитинэн биир ситимнээх улэ барбыта, оҕо театральнай искусствотын сайыннарыы уонна тарҕатыы, салайааччы маастырыстыбаларын үрдэтии. Араас маастар кылаастар, семинардар, театральнай кэллэктииптэри, испэктээкил туруорааччылар опыттарын атастаьыы, үөрэтии буолбута. Бүтүн Арассыыйатааҕы бырайыак “Театр в школу” иһинэн Сунтаарбыт улууhун оскуолаларыгар быйыл театр ахсаана лаппа үрдээтэ, 20 театральнай студиялар ол иhинэн 434 оскуола оҕото дьарыктанар. Оҕону кыра сааһыттан тыйаатырга интэриэһин тардан, төрөөбүт төрүт тылга сыһыардахпытына, үтүө санаалаах, кэрэ дууhалаах, тула өттүттэн сайдыылаах, хоhоонньут хоhууна, кэпсээнньит кэрэтэ, баай тыллаах-өстөөх киhи буола улаатара саарбаҕа суох. Көрүү-күрэскэ барыта 10 оскуола, 156 оҕо кыттыыны ылла. Кыайыылаах уонна анал аат хаһаайыннарынан буоллулар: «Бастыҥ спектакль» — Илимниир уонна Хадан оскуолаларын кыттыгас туруоруулара “Сыдьаайар сырдык – Туой Хайа”. «Бастыҥ режиссёрскай үлэ» — Түбэй Дьаархан оскуолатын ДНФТ “Аман өс” Л.Габышев “Сиимэ”. «Бастыҥ сүрүн оруол кыайылааҕа» — Сергеев Дамир, 8 кылаас Хадан оскуолата. Уйбаан о5онньор оруола. «Бастыҥ сүрүн оруол кыайылааҕа» — Николаева Дарина, 5 кылаас Тойбохой оскуолата. Даайыс оруола. «Бастыҥ 2-с былаан оруол кыайыылааҕа» — Черепанов Тимур, Бордон оскуолата. Дьөгүөр оруола. «Бастыҥ 2-с былаан оруол кыайыылааҕа» — Николаева Уйгууна, Илимниир оскуолата. Эмээхсин оруола. «Кэскиллээх артыыс» — Андреев Николай, Күндэйэ оскуолата. Чооруос оруола. «Кэскиллээх артыыс» — Зина Петрова, Түбэй Дьаархан оскуолата. Тааньа оруола. «Чаҕылхай кыра оруол кыайыылааҕа» — Федоров Ваня, Кэмпэндээйи оскуолата. Сүүрүк Чооруос оруола. «Чаҕылхай кыра оруол кыайыылааҕа» — Архангельская Анжелина, Кутана оскуолата. Маачаха оруола. «Бастыҥ сценография» — Арыылаах оскуолата “Үөрэхтээх уонна үөттүрэх” спектакль. «Бастыҥ музыкальнай киэргэтии» — Бордоҥ оскуолата “Номох буолбут снайпер” спектакль. «Бастыҥ көстүүм» — Кириэстээх оскуолата Г.Андерсен “Снежная королева”. «Бастыҥ ураты туруоруу» — Кэмпэндээйи оскуолата “Сүүрүк Чооруос” спектакль. «Бастыҥ театральнай коллектив салайааччыта» — Кутана оскуолатын педагогтара Александрова Анастасия Егоровна уонна Иванова Айталина Анатольевна. Театральнай студиялар салайааччыларын кытары «Бартыһаан” НАТК коллектива бииргэ түмсэннэр, театр кэрэ эйгэтигэр үүнэр көлүөнэни уһуйар кэскиллээх айымньылаах үлэлэрэ салгыы салҕанар. Александра Васильева, Сунтаар улууһун үөрэҕириитин салалтатын иитии уонна эбии үөрэхтээһин отделын салайааччыта.
