Кулун тутар 31 Муус устар 2 күннэригэр Амма улууһугар 2008-2009 төрүөх уолаттарга уонна кыргыттарга волейболга Өрөспүүбүлүкэ первенствота буолан ааста. Күрэс Саха сиригэр физкультурнай хамсааһын 100 сылыгар ананан ыытылынна. Күрэхтэһии түмүгэ «Спортивные якутяне” Саха Сирин үөрэнээччилэрин спартакиадаларын зачетугар киирдэ.
Уопсайа алта спорт былаһааккаҕа 331 эдэр волейболистар Өрөспүүбүлүкэ 19 араас оройуонуттан күөн көрүстүлэр. Уолаттар, кыргыттар хамаандалара 4 группаҕа арахсан күрэхтэстилэр. Сунтаар улууһун хамаандата 1 группаҕа оонньоото. Бу группаҕа улахан куораттар уонна элбэх үөрэнээччилээх улуустаар киирэллэр.
Күрэх түмүгүнэн биһиги сборнай хамаандабыт үрдүк результат көрдөрөн үөртэ:
1 миэстэ – Мииринэй оройуона (уолаттар — 1 м., кыргыттар — 2 м.);
2 миэстэ – Дьокуускай куорат (уолаттар — 3 м., кыргыттар — 1 м.);
3 миэстэ – Сунтаар оройуона (уолаттар — 2 м., кыргыттар — 3 м.).
Итиэннэ анал аат хаһаайыттара буоллулар:
Уолаттарга 1 группа5а «Лучший нападающий» ылла Федоров Дмитрий, 8 кл. Күндэйэ орто оскуолата уонна Саха сирин сборнай хамаандатын сайыҥҥы дьарыгар ыҥырыы тутта.
Кыргыттарга 1 группаҕа «Лучший нападающий» ылла Николаева Яна, 8 кл. Кириэстээх орто оскуолата.
Спортсменнары үрдүк көрдөрүүлэринэн эҕэрдэлээн туран саҥаттан саҥа ситиһиилэри баҕарабыт. Тренердарга, оскуола дириэктэрдэригэр уонна төрөппүттэргэ махталбытын тиэрдэбит.
