Бүгүн оскуолаларга бүтэһик чуораан чугдаарар бэлиэ күнүнэн бары выпускниктары, учууталлары, төрөппүттэри ис сүрэхпититтэн эҕэрдэлиибит. Күндү оҕолор! Бүгүн эһиэхэ долгутуулаах, үөрүүлээх бырааһынньык. Олох киэҥ аартыгынан тыргыллар үтүмэн элбэх эриэккэс суолтан бэйэҕит киэнин таба тайаныҥ! Ытыктабыллаах учууталлар! Эһиги кыһамньылаах, бэриниилээх үлэҕитигэр сүгүрүйэн туран улахан махталбытын тиэрдэбит. Бу бэлиэ күн төрөппүттэргэ эмиэ улахан суолталаах. Эһигини оскуола олоҕор көхтөөх кыттыыгыт, көмөҕүт иһин махтанан туран истиҥник эҕэрдэлиибит! Бары выпускниктарга экзаменнары ситиһиилээхтик туттаралларыгар, туруоруммут сыалларын ситиһэллэригэр баҕарабыт. Үөрэммит оскуолаҕытын умнумаҥ, бэйэ-бэйэҕитин сүтэрсимэҥ, өрүү өйөһүҥ, түмсүүлээх буолуҥ! Төрөөбүт улуускутугар туһаны аҕалар дьоһун дьон буоларга кыһаныҥ!
А. И. Иванов, Сунтаар улууһун үөрэҕин салалтатын салайааччыта
