Бэс ыйын 21 күнүгэр Олонхо дойдутун Сунтаар уйгулаах ыһыаҕар Г. Н. Саввинов-Уус Киргиэлэй аатынан култуура уонна сынньалаҥ пааркатыгар Күнчээн түһүлгэҕэ 2023 сылга үбүлүөйдээх оскуолалар эҕэрдэ кэнсиэрдэрэ буолан ааста, кыттыыны ыллылар:
Туойдаах сурун сүһүөх оскуолата,
Хадан орто оскуолата,
Бүлүүчээн лицей интерната,
Сунтаардааҕы 2-с №-дээх «Сардаана» оҕону сайыннарар киинэ,
Күүкэй «Биhик» уһуйаана,
Уустуйа орто оскуолата,
Сунтаардааҕы А. П. Павлов аатынан 1 нүөмэрдээх орто оскуола,
Элгээйитээҕи 2-с №-дээх «Елочка» уһуйаана,
Тойбохой орто оскуолата,
Сунтаардааҕы анал коррекционнай оскуола.
Кэнсиэр кэмигэр Сунтаар улууһун аҕа баһылыга Анатолий Григорьев нуучча тылыгар биир кэлим эксээмэни 100 баалга туттарбыт Сунтаардааҕы политехническай лицей-интернат выпускнигар Саввинова Февронияҕа уонна кини учууталыгар Туйаара Александровнаҕа анал бириэмийэ 50 000 суммалаах сертификаттары туттартаата. Ону кытары Сунтаар улууһун үөрэх салалтатын салайааччыта Альберт Иванов 2022-2023 үөрэх сылын түмүгүнэн Өрөспүүбүлүкэ уонна Арассыыйа араас таһымнаах күөн-күрэскэ үрдэли ылбыт 60 үөрэнээччитигэр, үҥкүү коллективтарыгар Добун суруктары уонна анал статуэткалары туттартаата.
