«Абитуриент-2023»

Быйылгы үөрэх дьылыгар Сунтаар улууһун оскуолаларыгар 11-с кылааһы 273, оттон 9-с кылааһы 399 оҕо үөрэнэн бүтэрбитэ.  От ыйын 3 күнүттэн Сунтаар улууһун үөрэҕин салалтатын иитии уонна эбии үөрэхтээһин отделыгар «Абитуриент — 2023» штаб аһыллан үлэлии-хамсыы турар.

Штаб иһитиннэрбитинэн, бүгүҥҥү күн туругунан, кинилэр нөҥүө 113 выпускник араас үөрэх кыһатыгар докумуон туттарбыт. Сорох үөрэххэ туттарсааччылар хастыы да үөрэх кыһатыгар докумуоннарын биэрбиттэр. Уопсайа, техническэй хайысхалаах үөрэххэ -71, гуманитарнайга – 24, естественнэй наука өттүнэн – 39, экэнэмиичэскэйгэ – 32, медицинаҕа – 47, педагогическайга 61 оҕо. Үөрэххэ киирии бастакы түмүктэрэ атырдьах ыйын саҥатыгар номнуо биллэн барыахтара.

Добавить комментарий