Бука бары үөрэнээччилэри, учуутал идэлээхтэри, төрөппүттэри балаҕан ыйын 1 күнүнэн — Билии күнүнэн уонна саҥа үөрэх дьыла саҕаламмытынан Сунтаар улууһун үөрэҕин салалтатын аатыттан ис сүрэхпититтэн эҕэрдэлиибит! Бу биир саамай сырдык уонна үтүө, көлүөнэни барытын түмэр, саҥа саҕахтары үөскэтэр бырааһынньык.
Билии киэҥ аартыгар үктэнэр бастакы кылааска киирэр кырачаан оҕолорго уонна төрөппүттэригэр ураты долгутуулах түгэн. Эһигини күүтэллэр саҥа доҕоттор, дьигиһитэр арыйыылар уонна умнуллубат түгэннэр. Үөрэххэ кыһамньыгытын ууран, билиигэ тардыһыаххыт диэн эрэнэбит. Выпускниктарбытыгар идэлэрин талалларыгар уонна салгыы олоххо суолу-ииһи тобуларга быһаарар сыл саҕаланар. Күндү үөрэнээччилэрбит, билии аартыгынан хардыылаан, саҥа үрдэллэргэ дабайаҥҥыт үтүө үлэһит, дьоһуннаах гражданин, патриот буола улаатыҥ. Төрөппүттэргэ муударай буолууну, тулууру баҕарабыт, оҕолоргут бу аныгы үйэҕэ бэйэлэрин талааннарын, ураты дьоҕурдарын арыйан үөрдэ турдуннар.
Ытыктабыллаах учууталлар! Эһиги талбыт идэҕитигэр бэриниилээх буолуҥ, талааҥҥыт саҥа таһымҥа тахсан, өссө үрдүккэ дьулуһа туруҥ. Ыччаппыт улуус инникитин уһансар кыахтаах буола сайдарын түстүүргэ сатабылгытын ууран айымньылаахтык үлэлииргитигэр истиҥ махтал тылларын тиэрдэбит!
Барыгытыгар кытаанах доруобуйаны, бэйэгитигэр эрэллээх буолууну баҕарабыт. Билии кунунэн!
