Балаҕан ыйын 20 күнүгэр оскуолаҕа оҕону үлэнэн иитиигэ туһуламмыт өрөспүүбүлүкэтээҕи сүбэ-мунньахха Сунтаар улууһун оскуолаларыттан 10 киһилээх делегация буолан баран кэллибит. Ол курдук, Куокуну, Арыылаах, Күндэйэ, Бордоҥ, Түбэй, Сунтаар 2 нүөмэрдээх агро хайысхалаах оскуолаларын, Хоро, Дьаархан, Хадан оскуолалара кыттыыны ыллылар. Делегацияны Н.Н.Охлопков, Дьаархан оскуолатын директора салайан илдьэ сырытта. Сүбэ мунньах Уус Алдан улууһун Суотту оскуолатыгар буолан ааста. Мунньах чэрчитинэн оскуолалар туруорбут быыстапкаларын, маастар-кылаастары көрдүбүт, кыттыыны ыллыбыт. Сунтаар улууһуттан быыстапкаҕа Л.Попов аатынан Арыылаах агротехнологическай оскуолата кыттыыны ылла.
