Эһигини иитээччи күнүнэн — профессиональнай бырааһынньыккытынан ис сүрэхпититтэн Сунтаар улууһун үөрэҕин салалтатын аатыттан эҕэрдэлиибит!
Оскуола иннинээҕи үөрэхтээһин – киһи буолуу бастакы кэрдииһэ буоларын бары билэбит, манна уопсай култуура үөскээн, физическэй, интеллектуальнай уонна сиэр-майгы өттүнэн сайдыы барар. Чуолаан эһиги сыралаах үлэҕит Саха Республикатын оскуола иннинээҕи үөрэҕин сайдыытыгар, үүнэр көлүөнэ дьоллоох буоларыгар көмөлөһөр, үөрэх ситимигэр сүрүн акылаат буолар.
Иитээччилэр оҕолор талааннарын арыйан, кыанар дьоҕурдарын уһугуннаран, үтүө суобастаахтык, эйэҕэстик сыһыаннаһан төрөөбүт дойдуларыгар тапталы уһугуннарарга дьулуһалларын үрдүктүк сыаналыыбыт. Сүҥкэн үлэҕитигэр дириҥ махталбытын тиэрдэбит! Оскуола иннинээҕи үөрэх хаачыстыбатын үрдэтэргэ өссө элбэҕи оҥоруоххут диэн эрэнэбит.
