“Билет в будущее” федеральнай бырайыак чэрчитинэн профориентационнай үлэҕэ “Аһаҕас аан күнэ” ыытылынна. Балаҕан ыйын 28 күнүгэр Сунтаардааҕы технологическай колледжка Сунтаар №1 орто оскуолатын 7-11 кылаастарыттан 75 үөрэнээччи оскуола иитэр үлэҕэ дириэктэри солбуйааччыта Лилиана Васильева салалтатынан учууталларынаан сырыттылар.
“Билет в будущее” федеральнай бырайыагынан Сунтаар улууһун үөрэҕин салалтата Сунтаардаа5ы технологическай коллеьы кытары ситимнээхтик хаһыс да сылын үлэлиир. Ыччат идэни сөпкө талыытыттан, кини инники олоҕо тутулуктаах буолар. Колледж преподавателлэрэ Дария Тотонова, Николай Егоров, Татьяна Васильева, Дария Трофимова, Тимофей Заболоцкай, Александр Егоров, маастардар Анатолий Тарасов, Сергей Антонов оҕолорго идэлэр тустарынан интэриэһинэй экскурсияны тэрийэн ыыттылар. Маннык хабааннаах тэрээһиннэри Сунтаар улууһун уерэ5ин салалтата колледжы кытары былааннаахтык ыытар соруктаах.
