Балаҕан ыйын 22 күнүгэр Сунтаар А. П. Павлов аатынан 1-кы нүөмэрдээх орто оскуолатыгар үөрүүлээх быһыыга- майгыга психолого-педагогическай кылаас арылынна. Тэрээһин үөрүүлээх чааһыгар Сунтаар улууһун үөрэҕин салалтатын специалиһа Андреева Светлана Родиславовна бэйэтин истиҥ эҕэрдэтин тиэртэ. Улуустааҕы педагогическай музей сэбиэдиссэйэ Иванова Альбина Григорьевна бэйэтин «Кэм кэрдии кэрэһиттэрэ» кинигэтин оскуола иитэр-үөрэтэр директэри солбуйааччытыгар Михайлов Дмитрий Айаловичка туттарда. Бу кинигэҕэ 1940 сылга дылы оскуолаҕа үлэлээбит учууталлар тустарынан суруллубут. Бочуоттаах сынньалаҥҥа олорор ветеран-учуутал Игнатьева Людмила Ивановна бастакы учууталын туһунан санаан ааста.
Бары ыалдьыттар бэйэлэрин баай опыттарын кэпсээтилэр , оҕолорго баҕа санааларын эттилэр. 10 “а” кылааска 28 үөрэнээччи, учууутал идэтигэр уһуйулла киирдилэр. Предпрофильнай 7 «б» кылааска 26 үөрэнээччи учуутал идэтигэр бэлэмнэнэ киирдилэр. Маны таһынан ааспыт үөрэх дьылыгар аһыллыбыт психолого- педагогическай 11 «а» кылаастар кыттыыны ыллылар, о5олорго уонна ыалдьыттарга анаан флешмоб ыытан, тэрээһини сэргэхситтилэр. Бука бары психолого-педагогическэй кылаастар үөрэнээччилэригэр ППК үөрэнээччилэрэ буолалларын туһунан туоһу суруктары Л. И. Игнатьева туттарталаата.
