💐💐💐Ытыктабыллаах учууталлар, үөрэх тэрилтэлэрин үлэһиттэрэ, педагогическай үлэ ветераннара!
Сунтаар улууһун үөрэҕин салалтатын аатыттан эһигини бука барыгытын идэлээх бырааһынньыккытынан — Учуутал күнүнэн ис сүрэхпититтэн эҕэрдэлиибит.
Бу бырааһынньык – биһигини үөрэппит маҥнайгы учууталларбытыгар дириҥ махталбытын тиэрдэр бэлиэ күн.
Сунтаар оройуонун үөрэҕин тэрилтэлэрэ федеральнай, республиканскай уонна муниципальнай программалары олоххо киллэриигэ көхтөөхтүк кытталлар, аныгы үөрэх технологияларын баһылыыллар. Биһиги оройуоммут учууталлара профессиональнай планкаларын үрдүктүк туталлар, ону туоһулуур үөрэнээччилэр ситиһиилэрэ. Учууталларбыт күүрээннээх, айымньылаах үлэлэрэ уонна оҕолорго истиҥ тапталлара бырабыыталыстыбаннай наҕараадаларынан уонна бочуоттаах ааттарынан бэлиэтэммиттэрэ.
Махталбытын биллэрэбит эдэр учууталларга үтүө холобур буолар педагогическай үлэ ветераннарыгар. Эһиги Сунтаар улууһун үөрэҕин сайдыытыгар сүдү кылааккытын үрдүктүк сыаналыыбыт.
💐💐💐Күндү учууталлар! Ис дууһабытыттан идэҕитигэр бэриниигит, тулуургут уонна эйэҕэс сыһыаҥҥыт иһин махтанабыт. Эһиэхэ кытаанах доруобуйаны, айымньылаах үлэни, ситиһиилэри баҕарабыт!
