2005 сыллаахха Россия президенин укааһынан Сомоҕолоһуу күнүнэн биллэриллибитэ. Онон дойду үрдүнэн араас норуоттар сомоҕолоһууларын бэлиэтиир кэрэхсэбиллээх күндү күнүнэн биллэр. Сэтинньи 2 күнүгэр биһиги «Кыталык» детсадпытыгар «Сомоҕолоһуу — биһиги күүспүт» диэн тиэмэлээх араас омук норуоттарын күнүгэр аналлаах тэрээһиннэр буолан аастылар. Иитээччилэр эрдэттэн бэлэмнэнэн анаммыт омуктарын историятын, тылын-өһүн, таҥаһын-сабын, ырыаларын-тойуктарын, туттар тэриллэрин умсугутуулаахтык кэпсээн оҕолорго билиһиннэрдилэр. Нэдиэлэ түмүгүнэн түмүктүүр тэрээһиннинэн үнкүү кэрэ күнэ буолла. Хореограф Надежда Александровна Павлова араас дойду омуктарын үнкүүтүн оҕолорго үөрэтэн үнкүүнү көрөн бэйэбит омук дойдуларыгар илэ баар курдук сананныбыт. Төрөппүттэр хас биирдии оҕо көстүүмүн кыһаллан тикпиттэрэ үнкүү күнүн олус киэргэттэ. Күрэх уопсай түмүгүнэн оҕолор кубогынан наҕараадаланан, ситиһии кэтэллэнэн олус үөрдүлэр. Кыра саастаах бөлөх оҕолоругар 1 миэстэ: «Мичээр» бөлөх. Иитээччилэр: Акимова Е.А., Попова А.В. 2 миэстэ: «Чуораанчык» бөлөх. Иитээччилэр: Афанасьева КВ, Петрова В.И. 3 миэстэ: «Куобахчаан» бөлөх. Иитээччилэр: Винокурова С.Д., Петрова В.И. Улахан саастаах бөлөх оҕолоругар: 1 миэстэ: «Сир симэхтэрэ» бөлөх Иитээччилэр: Егорова Л.М., Кытахова С.М. 2 миэстэ: «Сулусчаан» бөлөх. Иитээччилэр: Николаева С.А., Пахомова С.Н. 3 миэстэ: «Чөмчуук саас» бөлөх . Иитээччилэр: Пахомова С.Н., Андреева Е.В. Барыгытын Сомоҕолоһуу күнүнэн эҕэрдэлиибит. Сир үрдүгэр эйэлээх олох баар буоллун, ситиһии, эрэллээх доҕор аттыгытыгар куруук баар буоллуннар. Бу курдук тэрээһиннэр оҕону тула өттүттэн сайдарыгар олус көмөлөөхтөр, хас биирдии төрөппүт оҕо сайдарын туһугар кыһамньыта биһигини кынаттыыр, үөрдэр. Инники да өттүгэр ыытар курдук былаанныыбыт.
Иитээччи К.В.Афанасьева.
