Россияҕа педагог уонна Аҕа сүбэһит сылын чэрчитинэн сэтинньи 23 күнүгэр Г. Е. Бессонов аатынан Тойбохой орто оскуолатын базатыгар »Формирование читательской грамотности в контексте требований ФГОС в начальной школе» практико-ориентированнай семинар буолан ааста. Сунтаар улууһун 27 педагога мустан Тойбохой орто оскуолатын учууталларын аһаҕас уруоктарыгар, маастар-кылаастарыгар сырыттылар.
Оскуола эдэр учууталлара Степанова Н.В., Васильева А.Б., Уарова С.Ю. аҕа сүбэһиттэрин кытта читательскай грамотноска уруоктары ыытан биир идэлээхтэрин биһирэбиллэрин ыллылар. Ону таһынан опыттаах учуутал Попова Л.С. оскуола начальнай кылаастарын учууталларын «Сатабыллаах ааҕыы үөрүйэхтэрин иҥэрии» бырайыактарынан үлэлэрин опытыттан кэпсээтэ. Ааҕыыга интэриэһи сайыннарар сыалтан олохтоох модульнай библиотеканы кытта сахалыы куукула театрын үлэтин туһунан учуутал Потапова А.Н., библиотекардар Михайлова Е.А, Митрофанова Т.А. сырдаттылар. Учууталлар «төгүрүк остуол» тула олорон санаа атастаһан, ирэ-хоро кэпсэтэн тарҕастылар.
