Сэтинньи 23 күнүгэр Тойбохой куустатын Аллыҥатааҕы «Үрүйэчээн» уһуйааныгар бэрт сэргэх тэрээһин буолла. Ол курдук быйыл балаҕан ыйыттан оскуола иннинээҕи саастаах оҕолору иитиигэ саҥа ирдэбиллэр киирбиттэринэн «Внедрение и реализация ФОП ДО в образовательную практику ДОО» көмө семинар буолан ааста.
Семинары Сунтаардааҕы оскуола иннинээҕи саастаах оҕолору үөрэхтээьин отделын сэбиэдиссэйэ Павлова Н.С. арыйда, айымньылаах үлэни көҕүлээтэ. Ол курдук иитээччилэр Саха Республикатын үөрэҕириитир туйгуна Иванов И. С. кырачаан иитиллээччилэри музыка кэрэ эйгэтигэр, педагог-психолог Сергеева Л.Н. «Радужные нейроигры» оонньуу араас керуҥнэрин, Дьаарханнааҕы оскуола иһинэн баар дошкольнай группаҕа саҥа үлэтин саҕалаабыт иитээччи Павлова Е.В. Байанай ыйыгар аналлаах уруьуй, иитээччи Саввинова Айталина Егоровна үлэнэн иитиигэ күннээҕи дьарыктара бэрт сэргэхтик аастылар.
Аллыҥатааҕы » Үрүйэчээн» иитиллээччилэрэ ыытыллыбыт дьарыктарга көхтөөхтүк интэриэһиргээн кыттыбыттара хайҕаллаах.
Семинар иккис сүрүн чааһа: саҥа киирбит федеральнай программаҕа уьуйааннар хайдах ханнык бырагараамалары киллэрбиттэрин,туох ыарахаттары көрсүбуттэрин Тойбохойдооҕу «Ньургуһун»оҕону сайыннарар киин сүруннуур иитээччитэ Семенова В.И., Уһун Күөллээҕи «Сулусчаан» уһуйаан иитээччитэ Николаева Р.В. сөптөөх биричиинэлэри эрдэттэн билии, олору чуолкайдыыр ньымалар тула кэпсэтии буолла. Сунтаардааҕы » Туллукчаан» оҕону сайыннарар киин сэбиэдиссэйэ Федорова М.Д. эмиэ бэйэтин санаатын үллэһиннэ.
Ити курдук бүгүҥҥү күн кэлбит иитээччилэргэ,салайааччыларга өссө да инники үлэлэригэр саҥаны, үлэ уопута өссө дириҥиэ диэн эрэнэбит.
