Сунтаарга маассабай спорду сайыннарар, көҕүлүүр, оҕолору чөл олоххо угуйар сыаллаах комплекснай спартакиада иһинэн тэриллэр улуустааҕы баскетбол күрэһэ буолан ааста. Манна уопсайа 13 хамаанда кыттыыны ылла. Ол курдук уолаттарга 8, кыргыттарга 5 хамаанда. Күрэхтэһии икки сиринэн ыытылынна: Сунтаардааҕы 1 уонна 2 нүөмэрдээх оскуолалар саалаларыгар.
Уопсай түмүк маннык буолла:
Уолаттарга 1 миэстэҕэ таҕыста Сунтаардаа5ы лицей хамаандата; 2 миэстэ – Күндэйэ орто оскуолата; 3 миэстэ – Сунтаардааҕы 1 нүөмэрдээх оскуола.
Кыргыттарга 1 миэстэ – Түбэй орто оскуолата; 2 миэстэ – Сунтаардааҕы 1 нүөмэрдээх оскуола; 3 миэстэ – Арыылаах орто оскуолата.
Кыргыттарга “Лучший игрок” номинация кыайыылааҕынан Түбэй орто оскуолатын 10 кл үөрэнээччитэ Жанна Чалбанова буолла, уолаттарга — Сунтаардааҕы лицей 11 кл үөрэнээччитэ Арчын Григорьев. Кыайыылаахтар кубогынан, грамоталарынан наҕараадаланнылар. Кэлэр сыл олунньу ыйыгар буолар үөрэнээччилэр спартакиадаларыгар 10 уол уонна 8 кыыс сборнай хамаандаҕа талылыннылар. Оҕолор чөл олоҕу тутуһан, спордунан дьарыктаналлара, Сунтаарбыт инники чэгиэн кэскилин түстүүр эрэллэрэ буоланнар улууспут спордун сайдыытыгар кылааттарын киллэриэхтэрэ диэн эрэнэбит.
