Агросоюз тэриллибитэ 35 сылыгар аналлаах дьоллоох Дьокуускай куораппытыгар араас тэрээhиннэр ыытылла тураллар. Онтон биир сүрүн тэрээһининэн 3 күннээх агрооскуолалар икки ардыларыгар ыытыллыбыт өрөспүүбүлүкэтээҕи 14 –с «Өбүгэ оонньуулара» этно-фестиваль олус үрдүк таһымҥа ыытыллан, кыайыылаахтары ааттыыр күн тосхойдо. Агрохайысхалаах 13 оскуола өрөспүүбүлүкэбит араас муннуктарыттан кэлэн күрэскэ кыттан, бэйэлэрин холонон күөн көрүстүлэр. Барыта 11 өбүгэ көрүҥнэринэн илин-кэлин түһүстүлэр. Тутум эргиир, ойбонтон уулааһын, кириэс тэбии, көтөх ынаҕы туруоруу, наартаны ыстаныы, хабылык, хаамыска, хамаанданы билиһиннэрии, олоҥхо, ох саанан ытыы уонна “Чыысхай” оонньуу көрүҥнэринэн күрэхтэстилэр. Барыта 12 көрүҥҥэ оҕолорбут араас тургутуулары аастылар. *Уопсай түмүккэ:* Бордоҥ орто оскуолатын хамаандата *Муҥутуур Кыайыылаах* буолан 30 тыһ уу харчынан, грамотанан, кубогынан наҕараадаланнылар, 2 миэстэҕэ былырыыҥҥы күрэх чемпионнара Бөртөлөр, 2 Малдьаҕар орто оскуолата, 3 миэстэҕэ былырыыҥҥы күрэх иккис миэстэлээх призердара, Маҕарас орто оскуолатын хамаанадалара буоллулар. Сөҕүөхпүт иһин, бу да сылга кыайыы үрдэлигэр былырыыҥҥы 3 бастыҥ хамаандалар таҕыстылар. Бу күрэххэ хамаанданан көрүҥ аайы наҕараадаланнылар, ол курдук, Бордоҥнор хамаанданан: Тутум эргиир-1 м Ойбонтон уулааһын-2 м Кириэс тэбии кыргыттар-4 м Көтөх ынаҕы туруоруу уолаттар-1 м, Наартаны ыстаныы-5 м Хабылык-1 м Хаамыска-1 м Хамаанданы билиһиннэрии-2 м Олоҥхо-7 м Ох саанан ытыы-2 м “Чыысхай”-12 м Биирдиилэн оҕолорго *многоборье* түмүгүнэн 6 муҥутуур кыайыылаахтар ааттаннылар. *Уолаттарга:* 1 м-Данилов Дьулустан, Бордоҥ 2 м-Голоков Никита, 2 Малдьаҕар 3 м-Еремеев Данил, Бордоҥ *Кыргыттарга:* 1 м-Алексеева Альберта, 2 Малдьа5ар 2 м-Андреева Антонина, Бордоҥ 3 м-Прокопьева Айгуль, Уус-Таатта Анеля Удина 26 кыыстан 7 м, Дьулус Прокопьев 39 уолтан 8 м буоллулар.
Анабэль Алексеева олоҥхо курдук уустук жанры аан бастакытын толорон 13 о5оттон 7 м буолла
Дьэ, бу курдук оҕолорбут 1000 килэмиэтири айаннаан тиийэн, кыайыы өрөгөйүн билэннэр, эһиил баччаларга бүтүн республика агрооскуолаларын Сунтаарбыт улууһугар түмэн, күрэҕи ыытар чиэскэ тигистибит. Ол аата эһиилги «Өбүгэ оонньуулара» Бордоҥ орто оскуолатыгар ыытыллар диэн Агросоюз салайааччыта П.Г. Дягилев үрдүк сыанаттан дуорааннаахтык эттэ.
Түгэнинэн туһанан, оҕолорбутугар, тренердэрбитигэр Станислав Николаевич Кычкиҥҥа, Дора Николаевна Ивановаҕа, сырыы ахсын оҕолорбутун үбүлээн ыытар төрөппүттэрбитигэр улахан-улахан махтал буоллун! Бу күрэххэ оҕолорбутун оскуолабыт директора Михаил Алексеевич Максимов уонна оскуолабыт охраннига Иннокентий Ильич Красков тус тимир көлөлөрүнэн илдьэ сырыттылар. Дьэ хайдаҕый, оҕолорбут эт-хаан өттүнэн үүнэллэригэр-сайдалларыгар ханна да тиийэн күүс-көмө буоларбыт үтүө холобур буолбат дуо?
Любовь Петрова, Бордоҥ орто оскуолатын директоры иитэр үлэҕэ солбуйааччы.
