Ол курдук, Тохсунньу 11 күнүгэр гиирэ спордугар улуустааҕы аһаҕас турнир буолан ааста. Күрэхтэһиигэ улуус 9 оскуолатыттан 52 оҕо кыттыыны ылла. Күн устата тыҥааһыннаах киирсиилэр буоллулар.
Күрэхтэһии түмүгүнэн абсолютнай чөмпүйүөннэр ааттаннылар: уолаттарга – Гаврил Егоров, Устье орто оскуолатын 8 кылааһын үөрэнээччитэ буолла, кыргыттарга – Уйгулана Потапова, Устье орто оскуолатын 11 кылааһын үөрэнээччитэ. Кыайыылаахтарга Устье орто оскуолатын аатыттан бэлэхтэр туттарылыннылар.
Тохсунньу 12 күнүгэр А.Иванов аатынан олимпийскай эрэллэри бэлэмниир оҕо анал оскуолатын манеһыгар 2008-2010 сыллаах төрүөх уолаттарга уонна кыргыттарга «Саха Республикатыгар спорт уонна доруобуйа” декадатыгар аналлаах волейболга аһаҕас күрэхтэһии дьону түмтэ. Манна уопсайа 72 оҕо кытынна.
Уопсай түмүк: уолаттарга – 1м. – Күндэйэ орто оскуолата, 2. – Тойбохой орто оскуола уонна Сунтаардааҕы 1 нүөмэрдээх оскуола сборнай хамаандата, 3 м. – Элгээйи куустата. Кыргыттарга – 1 м. — Кириэстээх орто оскуолата, 2 м. – Куокуну орто оскуолата, 3 м. – Элгээйи куустата. Ону таһынан уолаттарга “Лучший игрок” номинация кыайыылааҕынан Куокуну орто оскуолатын 10 кылааһын үөрэнээччитэ Нарияна Григорьева буолла, уолаттарга — Күндэйэ орто оскуолатын 9 кылааһын үөрэнээччитэ Айаан Лазарев.
Сунтаардааҕы оҕо спортивнай оскуолатыгар тохсунньу 13 күнүгэр Сунтаар улууһун үөрэнээччилэригэр биирдиилээн уонна хамаанданан бастыыр иһин төрүт остуол оонньууларыгар күрэхтэһии бэрт сэргэхтик буолан ааста. Манна уопсайа улуус 8 оскуолатыттан 50 үөрэнээччи күөн көрүстэ. Хамаанданан түмүк маннык буолла:
- миэстэ — Бордоҥ орто оскуолата (тренер Иванова Д.Н.);
2 миэстэ — Күндэйэ орто оскуолата (тренер Макаров М.Н.);
3 миэстэ — Сунтаардааҕы политехническэй лицей (тренер Матросов Я.В.).
Маны таһынан сыл түмүгүнэн биэс бастыҥ оонньооччулар ааттаннылар: 1.) Максимова Алена, Бордоҥ орто оскуолата 2.) Тимофеев Эрхан, Кутана орто оскуолата 3.) Анисимова Нелли, Бордоҥ орто оскуолата 4.) Данилов Дьулустан, Бордоҥ орто оскуолата 5.) Иванов Коля – Кутана орто оскуолата. Бастыҥ оонньооччуларга федерация аатыттан харчынан премия туттарылынна. Кыайыылаахтар мэтээллэринэн уонна грамотанан наҕараадаланнылар.
Бу үс күрэхтэһии түмүгүнэн 2024 сылга үөрэнээччилэр спартакиадаларыгар кыттарга сборнай хамаанда талылынна. Оҕолор тэринэн кэлэн, көхтөөх кыттыыны ылбыттара үөрдэр. Спортсменнары, тренердары үрдүк көрдөрүүлэринэн эҕэрдэлээн туран өссө үрдүк ситиһиилэри баҕарабыт. Үөрэнээччилэр спордунан утумнаахтык дьарыктаналлара, Сунтаарбыт инники кэскилин түстүүр эрэллэрэ буоланнар улууспут спордун сайдыытыгар кылааттарын киллэриэхтэрэ диэн эрэнэбит.
