Ааспыт нэдиэлэҕэ СӨ физкультурнай хамсааһына 100 сылынан уонна Сунтаар улууһугар 2023 сылга спорт күрэхтэригэр ситиһиилээх спортсменнары чиэстиир “ЧЫПЧААЛ — 2023” буолан ааста.
Тэрээһин чэрчитинэн Сунтаардааҕы бастакы нүөмэрдээх оскуола аактабай саалатыгар Сунтаар улууһун баһылыгын социальнай боппуруостарга уонна имиджевай политикаҕа солбуйааччы Гаврил Еремеев физкультура учууталларын, спорт бэтэрээннэрин кытта «Перспективы развитися детско-юношеского спорта» оҕолорго спорт сайдыытын инники соруктарын, үгүс мунаарар боппуруостарын үллэстэр, ырытыһар төгүрүк остуол быһыытынан сүбэлэһиилэрэ буолла. Төгүрүк остуол сүрүн чааһын кэннэ наҕараадалааһын үөрүүлээх түгэнэ ыытылынна. 2023 сыллаахха Аан Дойду мас-тардыһыытын чемпионатыгар миэстэлэспит оҕолорго уонна кинилэр тренердарыгар эҕэрдэлэ тыллара этилиннилэр. 2023 сыллааҕы республикатааҕы оскуола оҕолорун спартакиадатыгар уопсай түмүгүнэн Сунтаар улууһа үһүс бочуоттаах миэстэ буолбутунан, кыттыбыт оҕолор туоһу суругунан наҕараадаламмыттара.
Ол кэннэ С.А. Зверев аатынан норуот төрүт айар тутар улуустааҕы киинигэр тэрээһин дьоро чааһа саҕаланна. Саала ыалдьыттарынан туолан, наҕараадалааһын сиэрэ-туома буолла. Бастыҥ спортсменнарга эҕэрдэ суруктар, наҕараадалар, минньигэс бэлэхтэр туттарылыннар. Ол курдук:
2023 сыл түмүгүнэн “Оҕолорго 10 бастыҥ спортсменнара”: Сара Заболоцкая, Сунтаардааҕы политехническай лицей, Владимир Потапов, Маар-Күөл орто оскуолата, Жанна Чалбанова, Түбэй орто оскуолата, Эрнест Яковлев, Сунтаардааҕы 3 нүөмэрдээх оскуола, Арчын Готовцев, Сунтаардааҕы 3 нүөмэрдээх оскуола, Леонид Павлов, Сунтаардааҕы 3 нүөмэрдээх оскуола, Мария Тараярова, Сунтаардааҕы политехническай лицей, Виктория Ераскумова, Сунтаардааҕы 1 нүөмэрдээх оскуола, Юлиан Сидоров, Аллаҥа орто оскуолата, Эльдар Ушатов, Кириэстээх лиссиэйэ.
«Сунтаар улууһун оскуолаларын 2022-2023 сылыгар ыытыллыбыт комплекснай спартакиада түмүгүн» кыайыылаахтара:
Алын кылаастар бөлөхтөргө:
1 үрдэл– «Борис Никифорович Егоров аатынан Күндэйэ уопсай үөрэхтээһин муниципальнай бюджетнай тэрилтэтэ» — оскуола дириэктэрэ Федоров Вячеслав Васильевич, физкультура учууталлара Макаров Михаил Николаевич, Кузьмин Андрей Макарович;
2 үрдэл «Моисей Иванович Герасимов аатынан Сунтардааҕы муниципальнай хааһына тэрилтэтин санаторнай оскуола — интэрнээтэ» — оскуола дириэктэрэ Бекренева Мария Афанасьевна, физкультура учуутала Мишаков Юрий Михайлович;
3 үрдэл –Владимир Гаврильевич Павлов аатынан Сунтаардааҕы уопсай үөрэхтээһин алын кылаастааҕы оскуолата» — оскуола дириэктэрэ Назаров Алексей Семенович, физкультура учууталлара Ксенофонтова Таисия Егоровна, Казаков Василий Алексеевич.
А5ыйах ахсааннаах оскуолалар:
1 үрдэл – «Анатолий Константинович Акимов аатынан Күүкэйдээҕи политехничэскэй орто үөрэхтээһин оскуолата» — директор Алексеев Егор Иванович, физкультура учууталлара Алексеева Надежда Сергеевна, Андреев Николай Игнатьевич;
2 үрдэл – «Алексей Андреевич Иванов – Күндэ аатынан Кутана уопсай үөрэхтээһинин орто оскуолата» — директор Архипов Владимир Николаевич, физкультура учуутала Андреев Николай Александрович;
3 үрдэл – «Михаил Николаевич Анисимов аатынан Сиэйэ уопсай үөрэхтээһин орто оскуолата» — директор Чыбыков Федот Егорович, физкультура учууталлара: Ананьева Ольга Васильевна, Татаканов Владимир Андреевич.
Элбэх ахсааннаах оскуолалар:
1 үрдэл – «Борис Никифорович Егоров аатынан Күндэйэ уопсай уорэхтээһин муниципальнай бюджетнай тэрилтэтэ» — оскуола дириэктэрэ Федоров Вячеслав Васильевич, физкультура учууталлара Макаров Михаил Николаевич, Кузьмин Андрей Макарович;
2 үрдэл– Үөрэх салаатын муниципальнай бюджетнай тэрилтэ Сунтаардааҕы политехническай лицей — интэрнээтэ — директор Сосин Олег Константинович, физкультура учууталлара: Селляхов Николай Васильевич, Селляхова Нюргуяна Григорьевна, Матросов Яков Владиславович, Иванова Юлия Даниловна.
Хас биирдии ыалдьыкка бу тэрээһин чаҕылхай өйү-санааны хаалларда. Спорт тыынынан, ситиһиилэринэн угуйуллубут умнуллубат биэчэр буолла. Тэрийээччилэр хас биирдии кыттааччы бэйэтин спортивнай уопсастыбаҕа улахан суолтаталааҕын бэлиэтиир туһугар үрдүктүк кыһаллыбыттар.
