Бүгүн, тохсунньу 25 күнүгэр, «Көннөрөр -сайыннарар (коррекционно-развивающие) оонньуулар уонна дьарыктар» диэн тиэмэлээх улуустааҕы семинарга оскуола иннинээҕи үөрэх тэрилтэлэрин педагогтара Устье оҕо саадыгар муһуннулар. Семинар сыалынан коррекционнай үөрэхтээһин эйгэтигэр тирэх буолар иитээччилэр икки ардыларыгар уопут атастаһыыта буолла. Манна барыта 29 педагог кыттыыны ылла.
Тэрээһин биир соругунан улууска оскуола иннинээҕи бөлөхтөрү кытта коррекционнай үөрэхтээһиҥҥэ педагогтар үлэлэрин уопутун көрдөрүү буолла. Кыттааччылар бэйэлэрин методикаларын уонна үлэлэрин ньымаларын үллэһиннилэр.
Иккис соруга иитээччилэр компетентностарын үрдэтии, саҥа технологиялары туһаныы. Педагогтар оскуола иннинээҕи саастаах оҕолорго анаан саҥа оонньуулары уонна эрчиллиилэри кытта билистилэр. Бу педагогтар идэлэрин тупсаран, оҕолору кытта үлэҕэ саҥа ньымалары булалларыгар көмөлөһөр.
Семинар үһүс соруга оскуола иннинээҕи саастаах оҕолору кытта көдьүүстээх үлэни тэрийиигэ сытар. Семинар кыттыылаахтара төрөппүттэри уонна атын специалистары кытта бииргэ үлэлээһин боппуруостарын дьүүллэстилэр, ону тэҥэ бу эйгэҕэ үлэ уопутун атастастылар.
Түмүккэ семинар кыттыылаахтара оскуолаҕа киириэн иннинээҕи саастаах оҕолору кытта сайыннарар үлэни көдьүүстээхтик ыытарга саҥа билиилэри, үөрүйэхтэри ыллылар. Маннык уопут атастаһыыта педагогтар ортолоругар коррекционнай үөрэх эйгэтигэр бииргэ үлэлээһиҥҥэ сөптөөх усулуобуйаны үөскэтэр.
