Олунньу 1 күнүгэр «Куолу-2024» II улуустааҕы уолаттарга аналлаах араатардар күрэхтэрэ ыытылынна. Быйыл барыта 26 оҕо кыттыыны ылла. Бу күрэһи Сунтаарга В. Г. Павлов аатынан алын сүһүөх учуутала Лена Петрова төрүттээн, тэрийэн ыытар.
Куоҥкурус үс түһүмэҕиэн ааста. Бастакы түһүмэххэ оҕолор талбыт тиэмэлэринэн кэпсээннэри бэлэмнээтилэр, хас биирдии кыттааччы бэйэтин билиитин-көрүүтүн киллэрэн туран, санаатын иһитиннэрдэ. Иккискэ сомоҕо домохтору быһаардылар. Үһүс түһүмэх хартыыналары кытта үлэни сэрэйэрэ. Манна оҕолор тыл суолтатын ойуунан быһаардылар.
Күрэх түмүгүнэн 3-с кылаастарга Кылаан кыайыылаах – Күндэйэттэн Арылхан Дьяконов буолла, 4-с кылаастарга – Сунтаардааҕы санаторнай оскуолаттан Кирсан Васильев.
Үгэс буолбут тэрээһин төрөөбүт тылга тапталы иҥэрии, үөрэнээччилэр бэйэлэрин санааларын дьоҥҥо-сэргэҕэ итэҕэтэр гына, төрөөбүт тылларын хомоҕойдук этэ үөрэнэллэригэр эйгэни тэрийии, санааларын сааһылаан этэллэригэр ананан ыытыллар.
