Улууспутугар 2024 сылга уопсайа 21 сынньалаҥ уонна доруобуйаны бөҕөргөтөр лааҕыр 835 оҕону хабан үлэлээтэ. Оҕолор сайыҥҥы сынньалаҥнарын тэрийии билигин улахан болҕомтону уонна эппиэтинэһи эрэйэр. Сылын ахсын үөрэх управлениетын нөҥүө Сунтаар улууһугар сайыҥҥы сынньалаҥ үс сезонунан ыытыллар.
Ол курдук, 1 сезонна бэс ыйын 5-26 күннэригэр 20 лааҕыр 565 оҕону хабан үлэлээтэ. Ол иһигэр 14 күнүскү лааҕыр – «Саха сайдам оҕото» (Сунтаардааҕы алын сүһүөх оскуолата), «КусТУК» (Түбэй Дьаархан оскуолата), «Дебют» (оҕо дьоҕурун сайыннарар киин), «Арчы» (Сунтаар 1 №-дээх оскуолата), «Сайын» (Сунтаар 2 №-дээх оскуолата), «Айтал» (Сунтаардааҕы оҕо искусствотын оскуолата), «Мир открытий» (политехническай лиссиэй), «Мы вместе одна команда» (3 №-дээх оскуола), «Чыпчаал» (Элгээйи), «Дьулуур» (Кириэстээх), «Олоҥхо дойдута» (Тойбохой), «Надежда» (коррекционнай оскуола), «Сайын» (Бүлүүчээн), хонуктаах үс лааҕыр – «Альфа-Спасатель» (Күүкэй), «Спасатель» (Устье), “Ситис” (Бүлүүчээн, “Ситис” интеллектуальнай киин), биир үлэ лааҕыра “Быйаҥ” (Куокуну оскуолата), ону таһынан өрөспүүбүлүкэтээҕи «Сир Уустара» (Кэмпэндээйи), СӨ физическэй култууратын уонна успуордун министиэристибэтин нөҥүө «Эрэл» (А.И.Иванов аатынан олимпийскай эрэллэри бэлэмниир өрөспүүбүлүкэтээҕи спортивнай оскуола) лааҕырдар үлэлээтилэр.
Иккис сезонун от ыйын 5 күнүттэн 26 күннэригэр диэри 5 лааҕыр үлэлээтэ. Уопсайа 145 оҕо сынньанан, доруобуйатын чөлүгэр түһэрэн ааста. Күнүскү өттүгэр икки лааҕыр – «Өлгөм» (Бордоҥ оскуолата), «Сайын», «Быйаҥ» үлэ лааҕыра (Куокуну оскуолата), өрөспүүбүлүкэтээҕи «Сир Уустара» лааҕыр, «Эрэл» күнүскү лааҕыра үлэлээтилэр.
3 сезонна 4 лаа5ыр үлэтин сал5аата Уопсайа 125 о5о). Атырдьах ыйын 5-25 күннэригэр Бордоҥ оскуолатын “Өлгөм” лаа5ыра- 20 оҕону, Куокуну оскуолатын үлэ уонна сынньалаҥ лааҕыра “Быйаҥ” – 25 оҕону хабан үлэлии тураллар. Республиканскай “Сир Уустара” лааҕыр (Кэмпэндээйи) – 40 оҕо, Спорт министерствотын нөҥүө «Эрэл» хонуктаах лааҕыра үлэлээтилэр (ГБУ ДО РС(Я) «СШОР им. А.И. Иванова»)- 40 оҕо.
Анал байыаннай дьайыы кыттыылаахтарын дьиэ кэргэннэрин өйүүр сыаллаах бырагырааманан Дьокууйскай куорат лааҕырдарыгар – «Чэбдиккэ», «Сосновай Борга», «Дружба», «Энергетик» лааҕырдарга оҕолор сынньанан кэллилэр. «Сир Уустара» лааҕырга бу категорияҕа киирсэр оҕолор сменанан кэлэ тураллар. Анал байыаннай дьайыы кыттыылаахтарын о5олоро (10 о5о) атырдьах ыйын 24 күнүгэр муора5а “Созвездие” лаа5ырга сынньана барыахтара.
Саха сирин оҕо сынньалаҥын уонна доруобуйатын тупсарыы хамыыһыйатын уурааҕынан, Сунтаар улууһугар бэриллибит квотаннан Туапсе куорат “Юбилейнай” лааҕырыгар Сунтаартан 10 оҕо сынньанан кэллэ.
“Альфа-Спасатель” (Куукэй), “Спасатель” (Устье) хонуктаах спортивно-оздоровительнай, военно-патриотическай хайысхалаах лаа5ырдарга уопсайа 50 (14-17 диэри саастаах) о5о сырытта. Лаа5ыр программатын чэрчитинэн дуальнай уерэхтээьин Саха сирин Сунтаар улууьун 31№ ОГПС, ГБУ РС(Я) «Служба спасения РС(Я)», ОГИБДД МВД, ГБПОУ “Сунтарский технологическай колледж” тэрилтэлэрин кытта холбуу улэлэьэн, о5олор “Пожарный”, “Водитель “А” категории диэн профессиональнай уерэхттээьин свидетельстволарын туттулар. Экзамен туттаран ааспыттар “Водитель категории “А” удостоверение ылыахтарын сеп. Бу 21 кун тухары о5олор ПДД, суолга сэрэхтээх буолууга, бастакы кемену онорууга, спортивнай тургутуу, ону таьынан баьаартан сэрэхтээх буоларга, ойуур баьаардарын кытта охсуьар улэни кытта билистилэр.
Быйылгы сылга «Барҕарыы» Национальнай Фонду кытта улэлэьэн, саха тылын сайыннарыы, тылы сөпкө саҥарыы, туттуу, кэпсэтии диэн хайысханнан 5 сайыҥҥы о5о лаа5ыра “Cаха сайдам оҕото” (Сунтаардаа5ы началынай оскуола), “Чыпчаал” (Элгээйи), “Олоҥхо дойдута» (Тойбохой), “Сайын” (Бүлүүчээн), “кусТук” (Түбэй Дьаархан) тэриллэн үлэлээтэ. Уопсайа 125 о5о хабылынна.
