Атырдьах ыйын 24 күнүттэн балаҕан ыйын 14 күнүгэр дылы Саха Өрөспүүбүлүкэтин Үөрэххэ уонна наукаҕа министриэристибэтэ уонна анал байыаннай дьайыы кыттыылаахтарын дьиэ кэргэннэрин өйүүр соруктаах бырагыраамманан Краснодарскай кыраай Туапсе куоратын “Созвездие” лааҕырыгар Сунтаар улууһуттан 10 оҕо сынньана көттө.
Оҕолор лааҕырга сылдьар кэмнэригэр иҥэмтэлээх аһынан аһаан, элбэҕи билэн-көрөн, муораҕа сөтүөлээн уонна экскурсияларга сылдьан сынньанан кэлиэхтэрэ.
Бу сылга муораҕа барыы өссө да салганыа. Ол курдук, балаҕан ыйын 14 күнүттэн алтынньы ый 5 күнүгэр дылы анал байыаннай дьайыы кыттыылаахтарын оҕолорун “Созвездие” лааҕырга өссө ыыталыахпыт.
Заявкалары үөрэх салалтатын иитии уонна эбии үөрэхтээһин отделыгар биэриэххитин сөп. Билсэр нүөмэгит 21-3-176
