Тэрээһиҥҥэ кыттыыны ыллылар Сунтаар улууһун Аҕа баһылыга Анатолий Григорьев, улуус үөрэҕин салалтатын салайааччы Альберт Иванов, улуус үөрэҕин салалтатын салайааччытын солбуйааччы Борис Васильев, улуус үөрэҕин салалтатын бастакы солбуйааччы Владимир Уаров, Сунтаар улууһун үөрэҕирии систиэмэтин үлэһиттэрин профсоюзнай кэмитиэтин бэрэсэдээтэлэ Нина Павлова, Саха Өрөспүүбүлүкэтин Наукаларын академията Төрөөбүт тылы чинчийэр киинин сүрүн научнай үлэһитэ, педагогика билимин хандьыдаата Светлана Семенова, Россия Федерациятын уопсай үөрэхтээһинин бочуоттаах үлэһитэ, «Сосновай бор» оҕо сынньанар уонна доруобуйатын чэбдигирдэр киинин салайааччыта Варвара Васильева.
Анатолий Григорьев үөрэх тэрилтэлэрин, төрөппүт уопсастыбаннаһын уонна бэйэни салайыныы сомоҕолуурга үлэ барыахтааҕын эттэ, патриотическай өйдөөх-санаалаах уонна актыыбынай гражданнары иитиигэ үлэлэһэр наадатын бэлиэтээтэ. Борис Васильев мунньах сүрүн дакылаатыгар иитэр-үөрэтэр үлэҕэ биир сомоҕо күүс наадатын тоһоҕолоон бэлиэтээтэ, болҕомтону дьиэ кэргэн сыаннастарыгар туһаайда. Ону тэҥэ инновационнай ньымалары туттарга, тупсаҕай үөрэх эйгэтин тэрийэргэ көмөлөһөргө этии киллэрдэ.
Сүбэ мунньах үөрүүлээх чааһыгар оройуон үөрэҕин сайдыытыгар дьоһун кылааты киллэрбит педагогическай үлэһиттэри наҕараадалааһын, үүнэр көлүөнэни иитиигэ кинилэр үлэлэрин уонна бэриниилээх буолууларын бэлиэтин үөрүүлээх сиэрэ-туома ыытылынна.
Ол курдук, Анатолий Григорьев Саха Өрөспүүбүлүкэтин социальнай-экономическэй сайдыытыгар өр сыллаах, таһаарыылаах үлэтин, тус кылаатын иһин Саха Өрөспүүбүлүкэтин Бырабыытылыстыбатын бэрэсэдээтэлин Махтал суругун Сунтаар улууһун үөрэҕириитин салайааччытыгар Альберт Ивановка туттарда.
Үөрэх эйгэтигэр өр сыллаах бэриниилээх, таһаарыылах улэлэрин иһин “Сунтаар улууһун үөрэҕириитин сайдыытыгар кылаатын иһин” Бочуотунай бэлиэнэн наҕараадаланна Бордон орто оскуолатын интэрнээтин иитээччитэ Лидия Саввинова. “Бочуоттаах уьуйааччы-педагог” Российскай Федерация үөрэҕириитин министерствотын бэлиэ Н.М. Родионова аатынан Сунтаардааҕы оҕо дьоҕурун сайыннарар киин эбии үөрэхтээһин тэрилтэтин педагог-организаторыгар Капитон Никифоровка, “Идэтигэр бэриниилээҕин иһин” Российскай Федерация үөрэҕириитин министерствотын бэлиэтэ Сунтаар нэьилиэгин Чебурашка о5о сайдар киинин иитээччитигэр Галина Федороваҕа туттарылынна.
Салгыы наҕараадалары туттарарыгар сыанаҕа Сунтаар улууһун үөрэҕин салалтатын салайааччытын солбуйааччы Борис Васильев таҕыста. Ол курдук, Бүтүн Россия, Саха Өрөспүүбүлүкэтин, Сунтаар улууһун үөрэҕириитин сайдыытыгар тус кылаатын, өр сыллаах үрдүк таһаарыылаах үлэтин иһин “Российскай Федерация уерэхтээьинин Бочуоттаах үлэһитэ” аат 18 үлэһиккэ иҥэрилиннэ.
“Отличник просвещения” бэлиэ хаһаайыннара буоллулар И.С. Иванов аатынан Сунтаардааҕы иккис нүөмэрдээх орто оскуолатын алын кылаас учуутала Саргылана Андреева, А.П. Павлов аатынан Сунтаар бастакы нүөмэрдээх орто оскуолатын математикаҕа учуутала Айхана Михалева. Российскай Федерация үөрэҕириитин уонна наукатын министерствотын Бочуотунай грамотатынан В.Г. Павлов аатынан Сунтаар алын сүһүөх оскуолатын технология учуутала Ангелина Николаева, Бордоҥ нэһилиэгин «Хатыҥчаан» уһуйаанын иитээччитэ Эсмеральда Краскова наҕараадаланнылар. Үүнэр көлүөнэни үөрэтэр уонна иитэр үлэ5э бэриниилээх, өр кэмӊэ үөрэхтээһин сайдыытыгар үтүө суобастаах улэлэрин иһин Саха Ереспуубулукэтин үөрэ5ин уонна наукатын министиэристибэтин Махтал суруктара тутарылынна А.К. Акимов аатынан Куукэй политехническай орто оскуолатын салайааччы субэһитигэр Ираида Герасмоваҕа, Сунтаардаа5ы политехническай лицей-интернат салайааччы сүбэһитигэр Саргылана Ивановаҕа.
Үөрэтиигэ уонна иитиигэ улахан кылаатын иһин «Саха Өрөспүүбүлүкэтин үөрэҕириитин туйгуна» бэлиэ туттарылынна Сунтаар улууһун оҕо спортивнай оскуолатын салайааччытыгар Владимир Даниловка, Үүнэр көлүөнэни үөрэтэр уонна иитэр үлэҕэ бэриниилээх, өр кэмӊэ үөрэхтээһин сайдыытыгар үтүө суобастаах улэтин иһин Саха Өрөспүүбүлүкэтин үөрэҕин уонна наукатын министиэристибэтин Бочуотунай грамотатынан Күүкэй орто оскуолатын улэһитэ Людмила Харитонова наҕараадаланна.
🔸 Ол кэннэ кэнчээри ыччаты үөрэххэ угуйа, үүнэр кэскили сырдыкка сирдии, улуус үөрэҕириитигэр үлэлии-хамныы кэлбит 26 саҥа үлэһиттэри чиэстээһин буолла. В.М. Анисимов аатынан Тубэй агротехнологическай хайысхалаах орто оскуолатын дириэктэрэ, Саха Өрөспүүбүлүкэтин үөрэҕириитин туйгуна, педагогическай династия чилиэнэ Альбина Архангельская эдэр учууталларга эҕэрдэ тылын эттэ.
🔸 Түмүктүүр тэрээһининэн «Ситис» оҕо сынньанар чэбдигирдэр киинин салайааччытын Марианна Васильевна Григорьеваны бочуоттаах сынньалаҥҥа атаарыы буолла. Сунтаар Аҕа баһылыга Анатолий Григорьев, Сунтаар үөрэҕин салалтатын салайааччытын солбуйааччы Борис Васильев уонна үөрэх тэрилтэлэрин салайааччылара бэйэлэрин эҕэрдэ тылларын эттилэр, бэлэхтэрин туттардылар.
Сунтаар оройуонун үөрэҕин салалтата бары педагогтарга, үөрэх тэрилтэлэрин салайааччыларыгар, улуус саламтатыгар, ыҥырыылаах ыалдьыттарга, уопсастыбанньыктарга саҥа үөрэх дьылын сүрүн соруктарын быһаарарга Балаҕан ыйынааҕы сүбэ мунньахха бииргэ түбүктээх үлэҕэ кыттыыларын иһин барҕа махталын тиэрдэр.
